GMN TV Justica e Segurança La kumpre Estadu Emerjénsia, Lere orienta PNTL tenke baku

La kumpre Estadu Emerjénsia, Lere orienta PNTL tenke baku

Xefe Estadu Maiór Jenerál FALINTIL Forsa Defesa Timor-Leste (F-FDTL), Majór Jenerál Lere Anan Timur, orienta Polísia Nasionál Timor-Leste (PNTL) atu baku sidadaun ne’ebé la kumpre desizaun Estadu Emerjénsia (EE), hodi prevene-an husi coronavirus (COVID-19).

“Hanesan ohin ha’u dehan tanba durante loron hira nia laran buat ruma la mosu ka la’e, sempre ida de’it sempre aventura, ne’e mak ohin ami ko’alia ho komandante polísia katak, bele toma medidas rejidas, ema mangame ne’e basa, baku ne’e, ha’u hanoin la viola direitus humanus, ita ko’alia-ko’alia la rona ne’e, uluk iha ai-laran ita ko’alia la rona tolok até ameasa, porque ema ida nia indisiplina bele estraga ema rihun ba rihun, ne’e mak sira la komprende. Ne’e la’ós ha’u nia servisu, polísia nia servisu, kuandu ba esklarese, hamaus labele demais, kuandu mate mai ne’e, mate ona, ne’ebé di’ak liu ita tenke koopera malu”, Xefe Estadu Maiór Jenerál  F-FDTL ne’e ba jornalista sira, Tersa (07-04-2020), iha Kuartel Jenerál Fatuhada-Díli.

Prezidente Repúblika (PR), Francisco Guterres “Lú Olo” dekreta EE iha loron 28, fulan Marsu, tinan ne’e, hodi fó kompeténsia ba Polísia Nasionál Timor-Leste (PNTL) iha 12 munisípiu, inklui Reziaun Administrativa Espesiál Oe-Cusse Ambeno (RAEOA), hodi halo sosializasaun, atu nune’e bele limita movimentu komunidade iha fatin públiku sira.

Alende ne’e, Komandante Jerál PNTL, Komisáriu Faustino da Costa, rekoñese, sirkulasaun transporte iha Díli husi loron ba loron amenta hela de’it.

Tanba  ne’e, Komisáriu ne’e dehan, ba oin polísia sei halo auto stop ba kareta privadu sira no halo operasaun ba iha merkadu sira, hodi prevene COVID-19 labele hada’et ba ema seluk.

 “Ami mós halo avaliasaun fila-fali katak, haree movimentu ne’e kuaze hanesan situasaun normal ne’ebé kareta privadu ami sei check, ema sira iha kareta laran ne’e sé-sé, atu ba ne’ebé, labele dehan la bandu kareta privadu sira, entaun kareta privadu sira sulan ema barak laran la’o ba mai livre hela derepente para iha fatin ida ema tun nakonu, ita sei la halimar ona ho situasaun ida ne’e”, dehan Faustino.

Komandante Jerál PNTL ne’e mós rezeita informasaun balun, ne’ebé mak espalla, katak, komunidade sira husi Díli karik ba munisípiu tenke karantina. avi

 

 


Banner

Foto

Notisia Ikus

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...

Lere: FRETILIN seidauk deklara formál ba vítima ne’ebé uluk sira oho

July 29, 2021
Xefe Estadu Maior Jenerál Falintil Forsa Defeza...

Auzénsia dala-rua ba estensaun EE, PN konsidera VIII Governu laiha ona PM

July 28, 2021
Deputadu sira iha Parlamentu Nasionál (PN) kons...
1 2 3 621

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker