GMN TV Justica e Segurança Lere husu PN labele tau kestaun hamlaha iha situasaun EE

Lere husu PN labele tau kestaun hamlaha iha situasaun EE

0 views

Xefe Estadu Maior Jeneral Falintil-Forsa Defeza Timor-Leste (F-FDTL), Maijor Jeneral Lere Anan Timur, husu ba Parlamentu Nasionál (PN) atu la bele tau kestaun hamlaha durante iha situasaun Estadu Emerjénsia (EE).

Líder máximu Falintil-Forsa Defeza Timor-Leste, Lere Anan Timur, hatutan katak, tanba Estadu Timor-Leste iha osan hodi sustenta nia populasaun iha situasaun atuál, nune’e komunidade labele sofre hamlaha iha Estadu Emerjénsia.

“Parlamentu foti tau kestaun kona-ba hamlaha, ha’u dehan hamlaha ne’e ai-moruk iha, gasta hotu ita nia osan ne’ebé ke agora iha banku ne’eba ne’e billiaun ida gasta hotu ba ita nia populasaun labele hamlaha, kuandu ita mate ne’e bele gasta osan, deve tan gasta mós la kura”, dehan, Maijor Jeneral F-FDTL, Lere Anan Timur.

Hato’o lia hirak ne’e ba Jornalista sira, hafoin remata enkontru, ho Xefe Estadu Francisco Guterres Lú Olo, iha Palacio Prezidensial, Bairo Pite, Kuarta (29/04).

Relasiona ho surtu ne’ebé sai pandemia global iha mundu inklui Timor-Leste mós rejista ona kazu ho pozitivu coronavírus, líder máximu F-FDTL ne’e apela ba ema hotu mantein nafatin distansia fíziku, distansia sosial no evita halibur iha fatin fatin, nune’e bele prevene transmisaun COVID-19.

Governu Timor-Leste, implementa Estadu Emerjénsia hahú iha loron 28 fulan marsu no remata ona iha loron 26 fulan ne’e. Hafoin remata, governu deside tan estensaun Estadu Emerjénsia ba fulan ida tan, relasiona ho kazu pozitivu coronavírus ne’ebé Timor-Leste rejista.

Estensaun Estadu Emerjénsia, Xefe Estadu Francisco Guterres Lú Olo dekreta ofisialmente iha Tersa loron 28 fulan ne’e no sei remata iha loron 27 fulan maiu.Ina


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker