GMN TV Justica e Segurança PDHJ lamenta atitude membru PNTL ne’ebé hasai liafuan a’at

PDHJ lamenta atitude membru PNTL ne’ebé hasai liafuan a’at

0 views

Provedóra  Direitu Umanu no Justisa (PDHJ-sigla Portugés), Jesuina Maria Ferreira Gomes, lamenta ho atitude membru PNTL, ne’ebé halo seguransa iha Kuarentena Hotel Vila-Verde, relasiona ho dezeentendimentu entre membru PNTL ho Adjunta Provedóra Direitus Humanus, Benicia Eriana Magno, hodi hasai liafuan mal (a’at) tanba dehan Adjunta refere tama obriga iha Kuarentena no la respeita regra.  

“Informasaun ida dehan, Adjunta Provedóra Direitu  Uumanu, tama iha Kuarenta Hotel Vila-Verde, sen respeita regra ida ne’e lalos, dehan Provedóra  Direitus Humanus, Jesuina Maria Ferreira Gomes, liu hosi komferensia imprensa, Sábadu (11/04/2020) iha Kaikoli, Díli.

Provedóra informa, PDHJ iha nia protoloko klaru, ne’ebé bainhira mak atu halo monotorizasaun no ho se mak atu halo kontaktu no komunika, ida ne’e protokolo klaru ona. PDHJ ho PNTL iha parseiru tuir akordu servisu hamutuk, maibé iha situasaun ida ne’e PDHJ lamenta ho atetude membru PNTL  ne’ebé halo seguransa iha  Kuarentena Hotel Vila-Verde.

“PDHJ nia prezensa iha fatin Kuarentena Hotel Vila-Verde, atu verifika informasaun no keixa ne’ebé, ami hetan hosi sidadaun balun iha kuarentena, ami ba husu informasaun diak ho sira maibé tuir lolos hanesan seguransa, ne’ebé fó seguransa tenke koopera no  fóinformasaun diak, hodi la hasai liafuan sira ne’ebé la merese atu hasai tanba PDHJ Instituisaun Estadu,”afirma Provedóra  Direitus Humanus, Jesuina Maria.

Nune’e mós, Adjunta Provedóra Direitu Umanu, Benicia Eriana Magno, subliña prezensa PDHJ nian iha Hotel Vila-Verde, tanba hetan kontaktu hosi sidadaun balun iha Kuarentena, ne’ebé hetan agresaun fiziku hosi oknum PNTL.

 “ Ha’u hetan kontaktu hosi sidadaun Timor-oan ida iha Kuarentena Hotel Vila-Verde, ne’ebé hatete katak sidadaun ne’e hetan ameasa no baku hosi oknum PNTL balun, entaun ho kazu ne’e PDHJ bolu eminente, ne’ebé PDHJ bele ba iha fatin akontesementu hodi verifika situasaun ne’ebé akontese, nune’e kazu ne’e labele sai bo’ot liga ho violasaun direitu umanu”.

Adjunta Provedóra realsa, nia parte iha mandatu bele ba haree situasaun hodi verifika informasaun, ne’ebé parte PDHJ hetan hosi sidadaun balun iha kuarentena,maibé iha ne’eba mosu informasaun hosi membru PNTL ne’ebé fó seguransa iha fatin kuarentena, katak sira tama iha kuarentena sein respeita regra  hodi hasai liafuan mal.

Hatán ba lamentasaun ne’e, Komandante PNTL Munisipiu Díli, Superintendente Xefe Armando Monteiro, hatete dezentendimentu  ne’ebé mosu, tanba la kumpri regra ne’ebé estabelese, hodi obriga autoridade seguransa sira halo asaun.

“Ida ne’e sai hanesan referensia ida ba ita hotu atu kumpri regra, ne’ebé tau iha kuarentena tanba ami simu regra no implementa hodi asegura no fó garantia ba sidadaun atus 7 ne’ebé hela iha karantina, nune’e labele fó risku ba sira nia an no sira nia kolega iha kuarentena”.

Superintendente Xefe Armando Monteiro, esplika karik iha sidadaun balun ne’ebé sente la satisfaz ho atetude membru PNTL ne’ebé fó seguransa iha fatin kuarentena sira , bele aprezenta keixa ho faktus tanba sidadaun hotu iha liberdade atu hato’o sira nia preokupasaun.Fel


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker