GMN TV Justica e Segurança PNTL bandu Xefe Suku halibur komunidade iha tempu EE

PNTL bandu Xefe Suku halibur komunidade iha tempu EE

1 views

Polísia Nasionál Timor-Leste (PNTL) la autoriza  autoridade lokal husi Suku Comoro no Fatuhada halibur komunidade hodi kolekta viza famíliar iha sede Suku iha tempu Estadu Emerjénsia (EE).

Hafoin governu deklara sei propoin atu fó subsídiu ba komunidade kada uma kain dolar 100 durante  periódu Estadu Emerjénsia,  autoridade lokal husi Comoro no Fatuhada, lufu-lafu hahú iha loron Sesta (10/04/20) no Sabádu  (11/04/20) halibur sira-nia komunidade iha sede suku ida-idak hodi atualiza sidadaun  sira-nia viza familiar.

Tanba ne’e, komando Polísia munisípiu Díli sei  la autoriza komunidade sira atu halibur hamutuk  iha sede Suku sira atu nune’e bele prevene pandemia  COVID-19.

“Até a data komando PNTL munusípiu Díli seidauk simu orientasaun  jestaun krize  tantu husi  autoridade lokal hanesan prezidente  autoridade munisípiu Díli, tantu mós goveru Ministériu Estatal hodi kolekta viza família husi nivel Suku iha Díli, maibé atividade ne’e inisiativa husi autoridade lokal sira  ne’ebé mak hala’o iha Suku rua. Tanba  ne’e mak liu husi orientasaun ba iha Ofisial Polísia Suku  hodi nune’e bele hapara tiha atividade ne’e  no hein orientasaun tuir mai”, esplika Komandante PNTL munisípiu Díli Superintendente Xefe Armando Monteiro, ba jornalista sira Sábadu (11/04/20) iha Caicoli, Díli.

Armando Monteiro mos husu ba autoridade lokal sira atu respeita regra kuarentena  no mantein distansiamentu sosiál.

“Ha’u hanoin koalia kona-bá viza família ida ne’e antes ne’e iha nanis  no bainhira programa ne’e la’o karik ida-idak ba  no aprezenta nia viza família ida ne’e, kuandu apoiu ruma mai  karik bele sai referénsia ida bairu ida ne’e Suku ida ne’e”,dehan Armando Monteiro.

 Tuir dekretu   governu lei númeru 3/2020, bandu  serkulasaun transporte tula ema rua ka liu husi tolu iha laran. No sidadaun sira halo movimentu   iha estrada tenki uza máskara.avi


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker