Polísia Nasionál Timor-Leste (PNTL) deteín joven ida ho inisiál CDC ne’ebé deskonfia kaer katana tenta oho nia aman ho inan.
Tuir informasaun husi Políisa, kazu tentativa omisídiu ne’e akontese iha Aldea Qeitutu, Suku Ailo, postu administrativu Cristo-Rei, munisípiu Díli, Segunda (30/03/20).
Wainhira kazu ne’e akontese sasin Pascoela da Costa ho vítima Filomena da Costa, núdar suspeitu nia inan halai husi fatin akontesimentu mai informa ba Polísia Eskuadra Cristo-Rei no iha minutu balun nia laran Polísia to’o kedas fatin hodi detein suspeitu.
Dadaun ne’e Polisia Esduadra Cristo-Rei detein suspeitu durante oras 72, hafoin lori ba tribunal.
Sasin Pascoela da Costa Andrade haktuir kazu ne’e suspeitu detein nia aman iha uma laran no kaer ho katana tenta atu oho nia aman.
“Ita la hatene sá razaun mak nia tenta atu oho nia aman ho oan, iha uma ne’e nia mosu boot mak ha’u nia aman no inan. Tanba ne’e ha’u hakarak atu prosesu ne’e ba oin”,esplika Sasin Pascoela da Costa Andrade, ba GMN Segunda (31/01/20), iha Eskuadra Cristo-Rei.
Tuir lei númeru 5/2017 armas brankas bandu ema kaer sasan kro’at hodi hakanek no habadak ema seluk ninia vida.avi
