GMN TV Justica e Segurança Prevene COVID-19, FM husu PNTL kontrola movimentu komunidade ho rigór

Prevene COVID-19, FM husu PNTL kontrola movimentu komunidade ho rigór

0 views

Fundasaun Mahein (FM)  husu ba Polísia Nasional Timor-Leste (PNTL), atu ho rigór kontrola movimentu komunidade hodi prevene COVID-19.

Tuir  Fundasaun Mahein  nia haree iha primeira dia no segunda dia movimentu ne’e menus, depois  segunda dia, movimentu  hetok aumenta liu tan, signifika públiku mós seidauk kontribui  prevensaun COVI-19 ninian. Tanba  ne’e  ita husu PNTL  kontinua ho rigór atu bele  ezekuta”,esplika Diretór Ezekutivu FM João Almeida, ba GMN Kinta (02/04/20) iha nia kna’ar fatin Fomentu Díli.

Nia dehan,  seluk fali mak FM  husu ba  governu, atu tau ekipamentu seguru  ba membru Polísia sira ne’ebé mak iha terenu.

 “Agora  ita nia Polísia loron-loron iha estrada, depois sira servisu fila-fali ba uma hamutuk ho sira nia família, agora sira iha estrada la fó ekipamentu ida seguru  atu bele prevene.Tanba  ne’e bainhira PNTL sosializa regra sira ne’e  ita akompaña sira mós iha risku, tanba komunika dereita ho komunidade iha estrada, iha loja no fatin sira ne’ebé nesesáriu sira nia prezensa, entaun sira mós iha risku, ha’u hanoin governu presiza haree”,dehan João Almeida.

João Almeida dehan,  iha Estadu emerjénsia, PNTL ativu teb-tebes  iha ninia ezekusaun, maske nune’e  iha difikuldade  balun ne’ebé husi  monitorizasaun FM  nian identifika ida mak seidauk iha harm0nizasaun komprénsaun medidas sira ne’ebé determina  husi dekretu governu  ne’e rasik .

 Iha terenu interpretasaun  Polisia nian ho distánsia  ne’ebé mak preve  iha dekretu ne’e rasik ho distánsia 1 metru ne’e la autóriza motor tula ema na’in rua, entaun seidauk iha intendementu kona-bá ida ne’e.

“Movimentu ne’ebé mak  ita koalia liga ba sidadaun sira nian  hanesan ohin koalia no determina dekretu do governu  katak atu halo prevensaun ba COVID-19 ne’e importante liu mak limiti ema nia movimentu, maibé la limiti ema nia movimentu bainhira  iha situasaun sira urjenti. Purizemplu  ba loja hola hahan, fatin nesesariu ba hospital ou ba fatin seluk ne’ebé presiza duni ema ne’e nia prezensa”,dehan  João Almeida.

Enkuantu tuir dadus atuál, númeru mortál iha nível mundiál hamutuk rihun 47 atus 1 resin, no númeru infesaun  hamutuk rihun atus 930 resin, maibé iha ema kuaze rihun atus 2 mak rekopera ona husi Covid-19.avi


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker