GMN TV Justica e Segurança UPF kaptura estudante na’in tolu tama ilegál husi fronteira

UPF kaptura estudante na’in tolu tama ilegál husi fronteira

0 views

Polísia Unidade Patrullamentu Fronteira (UPF)   kaptura estudante  na’in  tolu,  tama ilegalmente  mai teritóriu Timor-Leste.

Komandante Unidade Patrullamentu Fronteira Superintendente João Belo Dos Reis, hateten, maske governu hasai  ona despaisu  hodi  taka fronteira terreste no aeroportu Internasionál Nicolau Lobato Díli, hodi bandu sidadaun  estranjeiru sira  inklui Timor-oan labele tama ona Timor-Leste, hodi prevene COVID-19 labele  daet barak ba ema iha nasaun ne’e, hodi afeta ba povu Timor-Leste.

Maibé iha loron hirak ne’e, UPF kaptura estudante na’in tolu,  mai  husi Kupang no Jawa Indonézia iha liña fronteira hodi entrega ba saúde  hela iha kuarentena.

Entré estudante na’in tolu, na’in rua tama ilegal husi fronteira Mota-Ain no na’in ida  tama iha fronteira terreste Oecussi ninian.

 “Movimentu fronteira la’os laiha mas  iha ema ida rua ita kaer  nafatin  horsieik kaer ema na’in rua  ida rua ita kaer nafatin horseik  ita kaer na’in rua depois  horbainrua ita kaer na’in tolu kontra bandu mós iha. Mas patrullamentu ami nia patrullamentu mais efetivu, tanba ami nia koordenasaun ho ajénsia hotu, liu-liu Migrasaun Alfándega  ho mós F-FDTL kapa’as los, ho nune’e  movimentu sira ne’ebé tenta tama iha tritóriu Timor  ita detekta  iha nivél baze kedas”,esplika Komandante Unidade Patrullamentu Fronteira Superintendente João Belo dos Reis, ba  jornalista sira Kinta (23/04/20),  iha Akademia Polísia Komoro Díli.

Komandante ne’e dehan,  Indonézia mós halo ona lockdown iha liña fronteira terrestre.

“Iha  parte ida  mós ita hetan pozitivu  tanba Indonézia rasik hahú horiseik   lockdown ba sira-nia fronteira, liu-liu movimentasaun husi Timor-Leste  sira konsidera risku, tanba  ita afetadu ona, ida ne’e  buat ida diak ba ita tanba kontrolamentu  fronteira ne’e la’os husi  ita de’it maibe sira mós organiza rekursu hotu-hotu  hanesan mós ita nian bele kontrola fronteira”,dehan João Belo Dos Reis.

Prezidente  Repúblika dekreta Estadu Emerjénsia iha loron 28 fulan Marsu tinan ne’e no sei termina iha loron  26 fulan Abril tinan ne’e, maibé Prezidente Repúblika hakarak extende tan Estadu Emerjénsia bad ala rua.avi

 


Banner

Foto

Notisia Ikus

Xanana ko’alia relasaun Uniaun Europeia ho Indo-pasífiku

June 27, 2022
Reprezetante Espesiál Timor- Leste ba Ekonomia ...

STAE hahú halo preparasaun ba Eleisaun Parlamentar 2023

June 27, 2022
Sekretariadu Administrasaun Eleitoral (STAE) hah...

PM no Vise PM nain rua la partisipa iha aprezentasaun programa 2023 ba PR

June 27, 2022
Membru Governu iha semana kotuk aprezenta progra...

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...
1 2 3 740

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker