GMN TV Justica e Segurança Xanana: Sei loke investigasaun ba se mak fahe kilat iha 2006

Xanana: Sei loke investigasaun ba se mak fahe kilat iha 2006

90 views

Antigu líder rezisténsia Kay Rala Xanana Gusmão, hatete, kandidatu Prezidente Repúblika (PR), José Ramos Horta, mak ba PR sei loke fila-fali kazu krizi 2006 hodi povu bele hatene se-se mak fahe kilat ba grupu sira iha momentu ne’eba hodi estraga Timor-Leste.

Eis komandante em Xefe FALINTIL ne’e mos hatete, loke investigasaun ba krizi 2006 ne’e atu evita sira ne’ebé koalia barak ne’e hodi labele akuza fali ema seluk arbiru.

“Iha Liquiça nian ne’e se mak fahe kilat, sei loke investigasaun foun ba krizi 2006. F-FDTL mak tiru polísia ne’ebé hakoi hela iha Ministériu Justisa nia oin, se mak komanda forsa F-FDTL nian mak tiru polísia ne’e, bongkar tiha. Ida ne’e para hot-hotu tuir lei, saida mak halo ema hotu hatene, la’ós subar, subar, subar no fim akuza fali ema seluk. Ami na’in rua Horta mak rezolve krizi ne’e,”dehan Xanana iha mini kampaña ba kandidatu Prezidente Repúblika, José Ramos Horta ho númeru sorteiu 1 iha Atsabe, Munisípiu Ermera, Kinta (7/4/2022).

Nune’e Xanana haktuir, iha eleisaun segunda volta ne’e povu tomak tenke hili José Ramos Horta hodi salva nasaun ne’e, hili ema ne’ebé bele hatene rezolve problema sira ne’e hotu. Tanba kuandu hili sala, mak Estadu ne’e sei sai ditadura, hanesan agora dadauk ne’e.

“Ramos Horta la’ós Partidu CNRT nian, ita hili nia, ohin ita hamutuk ho PD, PDRT ho tan sira seluk, tanba ita hanoin katak, atu salva nasaun ita tenke hili Ramos Horta. Nia iha esperiénsia iha rai-laran, iha mos esperiénsia iha rai-liur nebe ba ajuda mos rai barak hodi hatúr Estadu direitu demokrátiku iha sira-nia rain.”dehan Xanana, ba apoiante tomak ne’ebé  hein líder rezisténsia ne’e dezde dadér kedas.

“Ita hili nafatin Lu Olo, ita tama ba ditadura. ‘Apoiante sira haklalak’ ne’e loos. Ditadura, povu Timor koñese saida mak ditadura. Ditadura ne’e so militar, militar, militar, lae! Lalika hanoin hanesan ne’e! iha tinan 24 nia laran ita mos moris iha ditadura nia laran, ohin, agora sira halo buat ida ne’e. Hahú kedas husi Prezidente viola tiha konstituisaun, arbiru deit. Iha Governu, Governu ida ne’e inkompetente teb-tebes lahatene halo buat ida, troka ema arbiru, laiha planu, ida neé mak lisaun boot ida ba ita nuudar povu,”dehan Xanana.

Alende ne’e Xanana relembra aktu ne’ebé Prezidente Repúblika Lú Olo halo hodi dada-dada la fó pose ba membru Governu na’in sia nune’e ikus mai ba “kose-kose” Naimori, Naimori mos ba hamutuk kedas.

“Nia haruka halo tiha koligasaun foun hodi ba, nia sei estuda. Em quanto, ema seluk book Naimori, book Naimori, hodi Naimori sai tiha husi koligasaun foun ne’e atu tama iha ne’eba atu nia dona sai Vise Primeira Ministra (Armanda berta, Naimori nia fén).  ”

“Taur iha 2018 iha Baucau neeba hakilar dehan hatun FRETILIN, agora hakoak FRETILIN tanba tonka nia Governu, yang penting ha’u kontinua Primeiru Ministru, ‘Apoiante sira haklalak hodi hamnasa’. Ita haree momoos hela deit. Tanba ne’e mak ita-nia Estadu direitu demokrátiku iha krizi nia laran.”dehan Xanana.

“Ne’eduni ita vota ba Horta iha dia 19 agora ne’e hodi duni sai ema beik ten sira husi Estadu née, hasai. Tanba Horta la’ós Partidu CNRT nia ema, iha PD, PDRT, UDT, FRENTI MUDANSA, ho tan sira seluk, ita hotu hamutuk ho unidade nasional ida hodi hasai tiha ema aat sira nebe estraga ita nia Estadu nee,”dehan Prezidente Partidu CNRT ne’e.

Eis Prezidente Repúblika Xanana Gusmão, mos husu ba povu tomak atu kuidadu ho ema ne’ebé la’o ho kilat ameasa tun, ameasa sa’e.

“Ha’u rona katak, sivil sira la’o ho kilat, kuidadu! Loke matan, loke tilun, buat ruma informa kedas polísia. Ema sira nee hasai sivil hotu, tau masker metan nee, tuir formasaun kaer kilat, kilat mai husi ne’ebe? Ita lahatene? Horta ba Prezidente nia tenke halo investigasaun ida ba sivil sira ne’e iha kilat, se mak fó,”haktuir Xanana.Nes


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker