GMN TV Justica e Segurança PNTL alerta atu sidadaun kontribui ba estabilidade ElPar

PNTL alerta atu sidadaun kontribui ba estabilidade ElPar

0 views

Komisariu Polisia Nasional Timor-Leste (PNTL), Julio Hornay, alerta ba sidadaun hotu iha Timor-Leste tenki kontribui ba paz no establidade iha Eleisaun Parlamentar (ElPar) ne’ebé mak sei hala’o iha loron  8, fulan julho, tinan ne’e.

“Eleisaun parlamentar besik ona tanba ne’e ita hotu nu’udar sidadaun iha dever moral hodi kontribui paz no estabilidade  atu asegura festa demokrasia Eleisaun Parlamentar ida ne’e atu nunee ita bele hatudu ba mundu tomak katak Timor oan matenek duni,”Julio Hornay hato’o lia hirak ne’e liu husi seminariu ho tema ‘O papel do Cidadão no Desenvolvimento do Bem-Estar’ ne’ebé realiza iha Salaun Centro Convenções de Dili, Kinta (20/4/17).

Nia dehan, iha ElPar ne’ebé mak sei mai, klaru katak diferensia politika sei mosu hodi atrai konfiansa povu nian atu hili partidu politika sira hodi ba ukun, maibe lasignifika tenki baku malu.

“Ibun ho nanal bele baku malu tan politika. Maibe domin ba malu nu’udar Timor oan atu hamutuk nafatin kontribui ba paz no estabilidade,”Julio Hornay haktuir.

Julio Hornay hatutan, prosesu konstrusaun país ne’ebé la’o diak importante Timor oan hotu mak sai fator determinante.

“País iha faze konstrusaun ida ne’e buat ne’ebé importante liu mak estabilidade no paz, nune’e ita bele hadia ita nian povu nia moris,”nia subliña.

Tuir Julio Hornay katak, estabilidade no paz ne’e la’os monu husi Lalehan, la’os ema seluk mak bele fo. Maibe Timor oan rasik mak determina iha nia rain rasik.

Iha oportunidade ne’e, komisariu PNTL Julio Hornay husu ba sidadaun hotu nomos ba lider partidu politika sira atu koopera malu  hodi kontribui duni seguransa iha ElPar ne’e.car


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker