GMN TV Justica e Segurança Alcino Barris sei husu Xanana Gusmão hadia ‘ Nama baik’ iha Tribunal

Alcino Barris sei husu Xanana Gusmão hadia ‘ Nama baik’ iha Tribunal

0 views

Prezidente Komisaun Nasional Eleisõens (CNE), Alcino Barris, husu ba Prezidente Aliansa Mudansa ba Progressu (AMP) Xanana Gusmão atu lori kazu iregularidade nebe mosu iha Eleisaun Antesipada nee ba tribunal atu hetan justifikasaun, se lae nia parte sei husu atu hadia ‘ nama baik’.
Prezidente CNE, Alcino Barris hato’o lia hirak nee ba jornalista sira, Segunda (14/5) iha nia knar fatin Kolmera, Dili hodi hatan preokupasaun Prezidente AMP nian konaba iregularidade sira nebe mosu iha Eleisaun Antesipada.
Lider masimu orgaun eleitoral CNE nee hatutan nia sei la foti asaun krime maibe nia sei husu ninia naran diak.
“Ida ne´e tanto esforsu mak CNE halo sobu hau nia Lideransa, tanba ne´e sente todan maske eleisaun konklui hanesan ne´e maibe hau kontinua ho predikadu ida ou titulu marka ida ba ami, liu-liu ba hau pessoalmente ho marka ida todan tebes, tanba ne´e hau sei husu justifikasaun Sr. Kay Rala Xanana Gusmão nian tanba nia mak hakarak lori hau ba Tribunal, krime hau la foti maibe hau nia naran diak hau tenke husu”, hatete Alcino Barris.
Atual prezidente CNE hatutan, “hau joven ida hau mos iha karreira, Maun sira aban bainrua kuando labele ona hau mos ida bele avansa hodi subtitui sira, tanba ne´e hau hakarak servisu mos no hau laos foin primeiru vez servisu hanesan Prezidente CNE, hau mai husi karreira ne´ebe naruk no hau laiha noda, tanba ne´e hau hein primeiru Maun Xanana tenke hatama ami ba Tribunal atu ami bele responsabiliza , maibe sei kuando la hatama mak hau husu fali hau nia nama baik tanba hau mos iha direitu”.
Prezidente CNE, esplika iregiularidade nebe prezidente AMP preokupa nee lalos , tanba iha Quelikai no Baguia iha buletim de votus 2 ne´ebe tau karimbu tembus iha kotuk no husi CNE tau kedas karimbu kanseladu no husi STAE hatudu kedas buletim ne´e ba kada fiskais husi kada Partidu no sira aseita entaun buletin ne´e kansela kedas, depois iha buletin ida iha noda iha kedas Partidu FRETELIN sira haree no kansela kedas, no sira mos halo kedas akta ida hodi hakerek ninia nomor sirie iha sorin no esplika la uza ho razaun hanesan ne´e hodi sai hanesan provas ida.
" Agora konaba tinta mos hanesan, tanba tinta ne´e UNDP mak sosa Ajensia Internasional mai iha ne´e Komisariu CNE sira halo teste antes uza no tinta ne´e kualidade a´as, i tintan ne´e serve, no laos Prezidente CNE mak ba sosa ou hasai osan hodi sosa fo ba ema hodi uza, ida ne´e lalos, agora vontantes balun ne´e vota pois tinta ne´e mos kedas ida ne´e, tanba ita la doko diak tinta no dalaruma iha sentru votasaun laiha koñesimentu konaba tinta ne´e", klarifika Alcino Barris.
Alcino, dehan nia pesoalmente no Instituisaun sente prejudikadu tanba Gmn-Tv fo sai notisia repete no iha Facebook hodi halo kuaze ema barak hatene katak Prezidente CNE servisu lalos, ida ne´e hanesan injustiça ida maske eleisaun hotu ona, AMP manan maibe nia senti hela ho titulu ida at dehan katak servisu lalos.
" Hau hanoin katak servisu lalos ne´e ita tenke investiga hotu Funsionariu no kliente ne´ebe mai iha CNE hodi husu katak haree lideransa iha CNE profesional ga lae, tanba sira mak bele haree hau labele defende hau nia an, tanba sira bele haree hahu husi organiza Edukasaun Civika iha Rai laran no liur ho taxa partisipasaun iha tinan ida ne´e makas tebes,tenke haree oinsa mak organiza Partidu Politiku sira oinsa hakalma situasaun hotu", hetete Prezidente CNE.
Alcino Barris hatete nia parte sente sofre ho informasaun ne´ebe iha tanba Xanana hanesan Lider ida ne´ebe influensia tebes ba Públiku hodi halo nia parte sente la hakmatek.
" Hau defende katak informasaun ne´e lalos maibe hau sofre ninia impaktu ba Públiku hanesan hau halo erru bo´ot ida” , termina Alcino Barris. Fel


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker