GMN TV Justica e Segurança Guarda prizionais tenki servisu imparsial

Guarda prizionais tenki servisu imparsial

0 views

Komemora aniversariu guarda prizional iha Timor Leste ba dala 18, Ministra Justisa Maria Angela Carrascalão, husu guarda prizional sira  atu hala’o servisu ho imparsialidade no sentidu Estadu, hodi sai servidor diak ba nasaun.

“Serivisu nu’udar guarda prisional la’os buat ida fasil, maibe prizioneiru sira hateke ba sira hanesan lalenok ida, kuandu prizioneiru sira sai husi prizaun ba iha sosiedade sira, ha’u hanoin lori ezemplu husi guarda sira, ha’u hatene katak, guarda prizional sira iha difikuldade barak, mas ha’u espera katak iha tempu ita bele  hadia sira-nia kondisaun,”dehan Ministra Jutisa ne’e ba Jornalista sira Kuarta (02/05/2018) iha Prizaun Becora.

Ministra Justisa ne’e afirma, Estadu hakarak funsionariu Estadu  hotu servisu ho didiak no  fo kondisaun diak ba sira hotu, liu-liu ba kuadru prizional sira, iha responsabilidade bo’ot, tamba haree ba prizineiru sira la’os buat ida ne’ebé fasil.

Entretantu tuir Diretor Diresaun Nasional Servisu Prizionais no Reinsersaun Sosial, Helder Marçal Belo, hatete, Gurada Prizional sira-nia susesu durante ne’e, to’o kompleta aniversairiu ba dala 18 mak ho papel  guarda prizional rehabilita no reintegra prizioneiru sira ba sira-nia família ida-idak.

“Papel Guarda nian mak sai motivador no edukador ba prizioneiru sira, ida ne’e mak durante tinan 18, papel guarda prizional hala’o duni, rehabilita duni ita-nia prizioneiru sira, no mos ita haree katak, ita-nia eis prizioneiru sira barak mak susesu, no sai sidadaun diak, no ida ne’e mak rezultadu ne’ebé ita hetan iha tinan 18 nia laran, maske husi tinan ida ne’e, ita hasoru difikuldade tinan-tinan ba prizioneiru sira aumenta no seluk tan,”hatutan Helder.

Fatin hanesan Prezidenti Komisaun Funsaun Públika, Faustino Cardoso, hato’o parabens ba Guarda Prizionais tomak iha Timor Leste, hahú husi estabelesimentu husi Becora, Ermera no Suai nian, hahú kedan hala’o servisu iha tempu Indonezia to’o agora.

“Nu’udar servidor hanoin tinan 18 ne’e, la’os fasil, ida-idak ho nia istoria, esperiensia profisional dezde inisiu to’o agora, lori Komisaun Funsaun Publika nia naran kongratula ba servisu tomak ne’ebé mak hala’o husi Guarda Prizionais, ami hakarak hato’o mos apresiasaun ba sira ne’ebé mak la iha ita-nia le’et,”subliña Prezidenti KFP ne’e.Oly


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker