GMN TV Justica e Segurança Julio Hornay: Laiha toleransia ba se mak halo krimi iha sentru votasaun

Julio Hornay: Laiha toleransia ba se mak halo krimi iha sentru votasaun

0 views

Komandante Jeral Polísia Nasional Timor-Leste (PNTL), Komisariu Julio Hornay, deklara, PNTL sei la fó toleransia ba se-se deit mak hakarak halo krimi iha sentru votasaun iha eleisaun antesipada ne’e.

``Loron 12 ita-nia komunidade sira tomak sei hakat  ba sentru votasaun hodi ezerse sira-nia dever, ita asegura laiha toleransia ba ema se de´it mak halo  problema iha sentru votasaun,``esplika Komisariu Julio Hornay, liu husi  diskursu Kinta (10/05/18),   iha Kuartel Jeral PNTL, hafoin halo deslokasaun membru PNTL kontijente jeral ba iha Munisípiu 12 inklui Rejiaun Administrativa Espesial Oecussi Ambeno (RAEOA).

Julio Hornay, husu membru sira atu koloka ho autoridade sira iha munisípiu  ho CNE, STAE ne´ebé mak  responsabilidade ba eleisaun antesipada, atu  nune´e servisu la´o  diak to’o remata.

``Ida ne´e mak ha´u nu’udar Komandante Jeral ho Segundu Komandante Jeral hato´o  mensajen  ne´e  ba membrus tomak atu bele hala´o iha tempu ne´ebé mak  ita bo´ot sira hala´o seguransa iha sentru votasaun,``dehan Julio Hornay.

Julio Hornay mós husu, membru hotu atu hatudu nafatin disiplina, no  hatudu nafatin responsabilidade  imparsialidade, neutralidade nudar  forsa seguransa nudar aparelhu  Estadu para bele hala´o misaun ne´e ho diak.

``Ita-nia sakrifisiu, ita-nia susesu la determina husi ema seluk, maibe determina husi ita nia a´an rasik, kada ema ida pur ida sinti katak,  ha´u mak Timor oan, ha´u mak sei halo buat diak ba ha´u-nia rai, laiha ema seluk atu bele halo sakrifika nia a´an atu asegura rai  doben Timor-Leste ida ne´e. Tanba  ne´e mak husu ba  ita hotu atu ho laran fuan ida de´it,  unidus nafatin, forsa nafatin hodi asegura estabilidade no paz husi ne´e ba oin espesial liu ba eleisaun antesipada ida ne´e,``dehan Julio Hornay.

Entretantu  tuir informasaun ne´ebé mak GMN hetan husi pesoal PNTL balun katak, total membru husi kontijente jeral Díli ba reforsa PNTL Munisípiu 12 inklui RAEOA hamutuk atus lima lima nulu (550).avi


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker