GMN TV Justica e Segurança Lere Anan Timur: Se mak lakon iha EA, tenki apoiu Governu

Lere Anan Timur: Se mak lakon iha EA, tenki apoiu Governu

0 views

Xefi Estadu Maior FALINTIL-Forsa Defeza Timor-Leste (F-FDTL), Major Jeneral Lere Anan Timur apela ba Partidu Polítiku (ParPol) hirak ne’ebé maka lakon iha Eleisaun Antesipada (EA) mai ne’e tenki apoiu VIII Governu.

“Sé maka lakon iha Eleisaun Antesipada (EA), tenki apoiu Governu, sai opozisaun iha PN, mas labele sai opozisaun ba Governu, maibé tenki koopera ho Governu, la’os opozisaun ba Governu, ne’e problema ona. Opozisaun iha PN ne’e oin seluk, tanba ne’e diskuti programa no planu iha PN, mas tenki fó forsa ba Governu atu bele diskuti programa ida ne’ebé hala’o, ne’e maka esensial,”Xefi Estadu Maior F-FDTL ba jornalista sira hafoin remata enkontru ho Prezidente Repúblika (PR), Francisco Guterres “Lú Olo”, hodi informa situasaun seguransa em jeral no iha prosesu kampaña, Palasiu Prezidensial, Bairo Píte, Díli, Kuarta (02-05-2018).

Nia esplika, ParPol ida ne’ebé maka ba Governu tenki iha responsabilidade ukun, dezenvolve nasaun no garante moris diak ba povu no ParPol ne’ebé maka ba opozisaun iha PN, labele sai opozisaun ba Governu.

“Ida ne’e maka ita-nia polítiku sira dalaruma laduun hatene, sira hanoin katak opozisaun ba PN tenki sai opozisaun ba Governu, ne’e labele. Porque Governu ne’e ezekutor, nia ezekuta saida maka PN desidi, tanba ne’e sé PN ezekuta ona labele kontra fali,”haktuir Major Jeneral Lere Anan Timur.

Nia informa, dau-daun ne’e kuaje povu, juventude no lider sira preokupa teb-tebes ba estabilidade nasaun ninian, tanba besik atu tama ona ba EA no públika rezultadu EA.

“Ita-nia PR iha kompetensia atu rezolve situasaun saida de’it maka akontese, naran ha’u apela ba insituisaun rua (2) F-FDTL no PNTL atu tuur hakmatek kumpri imi nia misaun, labele hali’is ba partidu ida, ne’e maka Timor sei seguru, ha’u hateten bele Timor akontese EA dala haat ou dala lima mós, ha’u hanoin katak povu maka halo justisa,” haktuir Xefi Estadu Maior F-FDTL ne’e.

Tuir Major Jeneral Lere Anan Timur hateten, Timoroan hotu-hotu tenki iha konsiensia katak sé maka manan no sé maka lakon iha EA, Timoroan hotu maka ukun no karik lakon mós Timoroan maka lakon, entaun laiha ema ida manan no laiha ema ida lakon.

Tuir Wikipedia, bloku opozisaun nia funsaun mak fo nia hanaoin diferenti maibe konstrutivu ba atividade Governu.

Nune’e mós tuir konstituisaun RDTL artigu 92.⁰ kona-ba Definisaun, Parlamentu Nasionál mak órgaun soberania Repúblika Timór-Leste nian ne’ebé reprezenta ema Timór-oan tomak, iha kbiit atu halo lei, atu fiskaliza no atu halo desizaun polítika; iha fali artigu 95.⁰ kona ba Kompeténsia Parlamentu Nasionál nian iha No. 1. Kompete ba Parlamentu Nasionál halo lei kona-ba asuntu báziku sira polítika interna ho externa nasaun nian; No. 3. Parlamentu Nationál sei halo mós ne’ebé iha alinea (e) Fiskaliza oinsá Estadu hala’o orsamentu nasionál.

Entretantu antes ne’e mós Ministru Defeza no Seguransa (MDS), José Agostinho Sequeira “Somotxo” hateten, MDS liu husi F-FDTL no PNTL sei garante seguransa iha prosesu EA to’o fó sai rezultadu ikus EA. ves


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker