GMN TV Justica e Segurança Lere: “Boby sei kumpri prosesu justisa”

Lere: “Boby sei kumpri prosesu justisa”

0 views

Xefi Estadu Maior FALINTIL-Forsa Defeza Timor-Leste (F-FDTL), Major Jeneral Lere Anan Timur, afirma, nia oan mane Boby sei kumpri prosesu justisa ba kazu soke bis Vitoria ne’ebé halai Díli-Baucau iha kruzamentu Audian, diresaun eskola João Paulo IV, hodi hamate feto ida (Brigida Moreira) no nain haat (4) kanek todan.

“Boby sei la halai sai husi Timor-Leste, nia halai atu ba ne’ebé, ha’u kuandu sei iha ne’e, nia la halai sai. Ha’u responsabiliza ba ha’u nia oan Boby, biar 30 anos la’os iha ha’u nia liman, la hemu ha’u nia kosar been, ha’u nia oan ne’e ha’u nia oan, ran ne’e ha’u nian nafatin. Tanba ne’e nia la halai sai, maibé kuandu halai sai, mai husu ha’u, tanba saida maka o nia oan halai sai no ha’u maka sei ba buka,” Xefi Estadu Maior F-FDTL ba jornalista sira hafoin remata enkontru semanal ho Prezidente Repúblika (PR), Francisco Guterres ‘Lú Olo’, iha Palasiu Prezidensial, Bairo Píte, Díli, Kuarta (16-05-2018), hodi informa situasaun jeral no situasaun durante eleisaun antesipada.

Nia akresenta, bele Boby halai ba Indonesia mós, nuudar aman ne’ebé iha ligasaun ho jenerais Indonesia ninian, sei haruka sira buka Boby no kaer lori mai Timor, ne’ebé nia atu ba ne’ebé.

“Imi lalika rona voatus sira ne’e, nia sei la halai sai, horikalan nia sei hamutuk ho ha’u iha uma. Agora halo oinsa para ami selu ema nia kareta. Nia sei responsabiliza kazu ne’ebé nia komete seim duvida, ema dehan ba Tribunal, nia maka sei ba kadeia, la’os ha’u maka ba kadeia. Mais tanba dehan nia osan laiha, ha’u nuudar aman ha’u maka sei deve ema nia osan, hodi selu ema nia bis ne’ebé át, hakoi ita nia inan ne’ebé mate to’o kore metan,” subliña Xefi Estadu Maior F-FDTL ne’e.

Asidenti ne’e akontese loron 1 Maiu, tinan ida ne’e, iha tuku 2 madrugada, suspeitu Boby kondus kareta ho xapa matrikula 29-121 TL kontra sinais tránzitu husi eskola Paulo IV mai kruzamentu Audian, loja Sahabat Timor ninian no soke bis Vitoria ho pasajeiru atu ba Baucau, hodi hamate ema ida mate no nain 4 kanek todan. ves


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker