GMN TV Justica e Segurança MDS sei mantein seguransa to’o formasaun Governu

MDS sei mantein seguransa to’o formasaun Governu

0 views

Ministru Defeza no Seguransa (MDS), José Agostinho Sequeira ‘Somotxo’, afirma, MDS liu husi instituisaun FALINTIL-Forsa Defeza Timor-Leste (F-FDTL) no Polisia Nasional Timor-Leste (PNTL) sei mantein nafatin seguransa to’o formasaun VIII Governu konstitusional.

“Ha’u sei kumpri nafatin, ha’u-nia dever no obrigasaun nuudar MDS mai halo pontu situasaun ba Prezidente Repúblika (PR), hanesan eleisaun ninian to’o rezultadu, mezmu ofisialmente seidauk fó sai husi Tribunal Rekursu (TR) no previzaun ba seguransa ninian, misaun ida ne’ebé fó ba forsa seguransa ne’ebé hetan tulun husi defeza termina ona iha dia 14 Maiu, agora extende fali ba dia 31 Maiu,” MDS ba jornalista sira hafoin remata ninia últimu enkontru ho Prezidente Repúblika (PR), Francisco Guterres ‘Lú Olo’, iha Palasiu Prezidensial, Bairo Píte, Díli, Tersa (22-05-2018).

Nia esplika, tanba responsabilidade seguransa ba Eleisaun Antesipada (EA) hotu ona, agora halo hanesan seguransa prevensaun, karik mosu instabilidade ruma depois de TR anunsiu rezultadu EA, previzaun forsa seguransa iha ona, hodi garante seguransa to’o loron 31, fulan Maiu.

“To’o iha ne’ebá (TR anunsiu rezultadu EA-red), sé sei iha nesesidade, com serteza que sei extende nafatin ba to’o tomada de posse, ba formasaun Governu foun,” Somotxo hatutan.

Somotxo apresia mós Partidu Polítiku (ParPol) no povu tomak ninia kontribuisaun, tanba exerse ona sira-nia direitu síviku, durante prosesu EA.

“Ha’u hato’o parabens mós ba forsa armada husi Jeneral to’o soldadu, ne’ebé involve iha seguransa EA ninian no ba forsa polisial husi ninia komisariu to’o ajente ne’ebé kuaje totalmente empeñadu ba seguransa EA no ita hotu-hotu hein rezultadu ikus EA ne’ebé sei anunsiu husi TR,” hateten MDS ne’e.

Entretantu antes ne’e mós komando PNTL no F-FDTL kompromete nanis ona katak, instituisaun rua (2) ne’e sei garante seguransa durante periodu kampaña, prosesu eleisaun to’o formasaun governu foun ne’ebé lidera husi koligasaun partidaria Aliansa Mudansa ba Progresu (AMP). ves


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker