GMN TV Justica e Segurança PNSIK prontu asegura lei no orden

PNSIK prontu asegura lei no orden

0 views

Komandante Polísia Nasionál Servisu Investigasaun Kriminal (PNSIK) Superintendente Jorge Monteiro, hateten, PNSIK ho instituisaun interligadu  sira prontu atu asegura lei no orden iha país ne’e.

Jorge Monteiro hato’o lia hirak ne´e ba jornalista sira Segunda (28/05/18), hafoin abertura  konferensia ho tema “Uniformiza setór justisa  no aplikasaun lei iha Timor-Leste ho foku ba krime transnasional”, ne´ebé mak organiza husi PNSIK iha salaun Sentru Formasaun João Paolo II Comoro-Díli.

Konferensia   ne´e  involve instituisaun Estadu sira  ne´ebé mak  interligadu  ho servisu Polísia ninian hanesan Polícia Científica Investigação Criminal (PCIC) Alfándega, Diresaun Karantina, Servisu Nasionál Intelejensia, Servisu Informasaun Militar Zota 2, no mós parseiru Prokuradoria Distrital husi rejiaun Baucau,  Díli, Oecussi ho Suai.

``Objetivu  ne´e atu asegura ko´operasaun servisu entre instituisaun interligadu sira hanesan manutensaun lei no orden  ninian.  Alende  ita involve Komandante PNTL sira husi munisípiu ita involve instituisaun Estadu interligadu sira hodi bele  fasilita kooperasaun servisu iha area espesialmente servisu investigasaun kriminal nian,``esplika Jorge Monteiro.

Nia hatutan, PNTL labele halo servisu mesak hodi responde ba krimi komplexu  sira hotu atu hetan susesu, maibe ténki hamutuk ho Alfándega, PCIC no mós servisu ho instituisaun relevante  relasaun seguransa.

Alende ne´e Adjunta Prokuradoria Jeral Republika, Zelia Trindade, hateten, krime transnasional asuntu    intersante sai  preokupasaun  ba  nasaun. Tanba  ne´e preiza autoridade sira tur hamutuk partisipa  iha  konferensia hodi bele troka hanoin oinsa bele esforsu haree ba krime transnasional.

Tuir Zelia Trindade, krime transnasional, krimi ne´ebé mak organizadu iha nasaun seluk akontese  bele mós tama mai Timor-Leste.

``Hanesan  ita hatene ita iha ona terseiru mundu, ita  iha mundu  ne´ebé mak globalizadu tebes, ne´ebé lori nia efeitu pozitivu mas  iha negativu mós barak. Bainhira  ita koalia kona-ba krime transnasional, ita hare´e krimi organizadu  ne´ebé mak sira iha asosiasaun krimenozu  ne´ebé mak  iha nasaun sel-seluk halo krimi. Tanba sira iha grupu krimenozu, depois sira mós bele tama mai enkoraza bele tama mai  ita nia rai laran. Ita hatene ita nia rai mós sei frazil hela mesmu  ita iha lei adekuadu, maibe  ita presiza atu buka hatene saida mak ita atu halo,``dehan Zelia Trindade.

 Autoridade judisiariu liu-liu Prokurador sira no mós entidade sira hanesan Polísia sira ténki buka koñese didiak saida mak krime transnasional.

``Ita haree hanesan droga, ezemplu iha nasaun seluk Colombia, ida ne´e sira iha grupu  ne´ebé mak organizadu tebes, ne´ebé mak  iha ne´eba ne´e bolu grupu mafiozu, se mak hatene bainhira dala ruma iha sira-nia organizasaun atividade  ne´e bele to´o mai iha ita-nia rai,  entaun buat saida mak  ita atu halo oinsa  ita esforsu konjugasaun ida tau nesesariamente katak, ne´e prioridade ita bele buka  tuur hamutuk hodi hatene konseitu krimi transnasional mak saida,``dehan Zelia Trindade.

Karater krimi transnasional ida ne´e, ezemplu  droga, brankeamentu kapitais, terrorizmu no mós krime sira seluk.

 ``Hanesan ita haree husi nasaun iha Azia Pasifiku, ita haree liu husi Kamboja, China, entaun saida mak  ita atu haree.  Mundu globalizadu,  ita presiza buka hatene saida mak mundu globalizadu iha aspeitu pozitivu no negativu,``dehan Zelia Trindade.avi


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker