GMN TV Justica e Segurança PNTL Díli la rejista krimi eleitoral

PNTL Díli la rejista krimi eleitoral

0 views

Komando Polisia Nasional Timor-Leste (PNTL), Munisípiu  Díli, iha eleisaun antesipada Sabadu (12/05/18) liu ba, la  rejista krimi eleitoral ruma mak akontese.

``Ami agradese uluk ita nia komunidade  Munisípiu Díli,  tanba  koopera tebes  ho seguransa no respeita  tebes  ita nia Polísia sira  hodi nune´e  eleisaun antesipada iha 12 Maio  ne´e la´o  kapas  tebes, laiha problema  ne´ebé mak  ita rejistu ligadu ba  krimi eleitoral,``esplika Segundu Komandante  PNTL Munisípiu Díli Superintendente Assistente Euclides Belo, ba  jornalista sira Segunda (14/05/18)  iha Kuartel PNTL Caicoli Díli.

Nia dehan, situasaun  jeral  iha Díli durante eleisaun antesipada hahú kedas  iha tuku 07 dadersan to´o  termina iha lorokraik hodi kontinua ba kontajen  votu iha sentru votasaun la´o  diak.

 ``Ita nia komunidade barak  tebes mak asisti to´o kontajen votu remata hodi transporta  material sensitivus no non sensitivus husi sentru  votasaun  mai Administrasaun Munisípiu Díli,``dehan Euclides Belo.

Alende  ne´e PNTL sei fo seguransa durante apuramentu nasional iha CNE.

``Komandante  Operasaun nasional Henrique da Costa  fó ona ordem ba ami para halo   ko´operasaun  ho seksaun Tránzitu nasionál ho Patrullamentu Díli,  nune´e garante nafatin seguransa ba apuramentu  nasional, durante  semana ida,``dehan Euclides Belo.

Euclides Belo dehan, durante apuramentu nasionál dalan diresaun husi Ministériu Justisa to´o  iha  Eletricidade De Timor-Leste-Caicoli sei blokeia durante oras hitu nulu resin rua hodi garante nafatin seguransa. Tuir nia, dalan   blokeia la´os permanente, maibe apuramentu hotu dalan  sei loke  fila-fali. Maibe  funsionariu sira mak servisu iha Minitériu Administrasaun Estatal no Ministériu Obras Públikas   bele fó  liu ba  servisu.

``Husu ba komunidade hotu iha Díli, atu kontribui nafatin paz no estabilidade durante  prosesu apuramentu nasionál. Tanba ne´e husu ba públiku partidu ida  ne´ebé mak manan  ita nian hotu-hotu ténki simu rezultadu,``dehan Euclides Belo.avi


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker