GMN TV Justica e Segurança PNTL rejista ona kazu Boby iha MP ■La detein iha sela

PNTL rejista ona kazu Boby iha MP ■La detein iha sela

0 views

Komando Servisu Investigasaun Kriminal Polísia Nasionál Timor-Leste (PNTL), Munisípiu Díli, rejista ona kazu Major Jeneral Lere Anan Timur nia oan Boby, iha Ministériu Públiku, tanba uza kareta involve iha asidente tráfegu hodi soke mate ema nain ida no nain 4 kanek  todan.

``Kazu asidente tráfegu  Boby,  ne´ebé akontese,  ne´e submete  ona ba Seksaun Investigasaun Tranzitu ona, espera katak,  ita haruka ona ba Ministériu Públiku,``esplika Segundu Komandante PNTL Superintendente Assistente Euclides Belo, ba jornalista sira Sesta (04/05/18),  hafoin partisipa iha seremonia distribuisaun material sensitivus non sensitivus  ba eleisan antesipada, iha STAE Nasionál Caicoli Díli.

Euclides Belo hatutan,  oras ne´e dadauk suspeitu Boby iha  de´it uma, tanba karakter  prosesu normal.

``Ita kaptura suspeitu la  ho karakter ho flagrante delito,  ita  la kaer  ho liman, tanba   iha tempu ne´eba nia ses  husi fatin akontesimentu,``dehan Euclides Belo.

Antes ne’e, Xefe Estadu Maior FALINTIL Forsa Defeza Timor-Leste (F-FDTL), Major Jeneral Lere Anan Timur, dehan,  sei rezolve tuir familia, maibe Segundu Komandante PNTL Superintendente Assistente Euclides Belo dehan, parte Polísia kontinua kaer nafatin asaun   prosesual.

``Asaun familia ami kontinua simu nafatin parte rua hanesan halo akordu deklarasaun para rezolve familia, Polísia prontu nafatin kualker tempu,``dehan Euclides Belo.

Lere  Anan Timur mos antes ne´e, rekoñese  asidente tráfegu akontese  foin lalais hodi soke mate ema ida no nain hat kanek todan, tanba  nia oan mak sala.

Nune´e asidente tráfegu  refere, Lere Anan Timur mos dehan, iha duni kilat kaer husi oknum PNTL iha kareta Ford Ranger laran.

Entretantu   kareta  ne´ebé mak Boby kondus Ranger metan  ho sapa matrikula  29-121 TL   soke  bus Vitoria  dirasaun  Dili Baucau, hodi rezulta   Brigida Moreira ho idade 50 hakotu is no nain haat kanek todan.

Kazu  ne´e akontese Tersa (01/05/18) tuku  rua, madrugada iha area  kruzamentu Audian diresaun Bemori no tun ba diresaun Eskola Paulo VII Dili.

Vitima sira  ne´ebé mak kanek oras   ne´e  hala´o hela tratamentu iha Hospital Nasional Guido Valadares (HNGV) Dili.avi

 


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker