GMN TV Justica e Segurança Prizioneiru Prizaun Bekora sei transfere balun ba Gleno no Suai

Prizioneiru Prizaun Bekora sei transfere balun ba Gleno no Suai

0 views

Diretor prizaun Bekora, João Domingos, hatete kondisaun prizaun Bekora la sufsiente atu akumula hotu Prizioneiru sira, tanba ne´e iha tempu badak sei transfere balun ba iha Prizaun Gleno no Suai.

" Ami tau deit ema 250 signifika ita halo konta ida ne´e númeru  100% liu ona sala ne´ebe iha," dehan Diretor prizaun Bekora, João Domingos, ba Jornalista sira foin lalais nee iha nia servisu fatin Bekora, Dili.

Diretor Prizaun ne´e haktuir, hanesan Autoridade iha Prizaun Bekora buka meus atu bele koloka prizioneiru sira atu bele moris iha espasu hodi nune´e sala ne´ebe iha bele akumula hotu prizioneiru sira.

" Ami sei muda prizioneiru sira balun ba Prizaun Glenu no Suai maibe depois de loron Restaurausaun Independensia 20 de Maio liu, ami sei halo kontaktu ho sira Prizaun Gleno no Suai atu husu sira nia kapasidade sala hodi nune´e prizioneiru sira iha nee ba mos tuir kapasidade neebe prizaun 2 ne´e iha”,dehan Diretor.

Responsavél máximu prizaun Becora nee hatete tan, agora dau-dauk sira  tau prizioneiru sira tuir varius totalidade depende ba blok kiik no blok, kuando sala blok neebe bo´ot sira tau prizioneiru barak, maibe kuando blok kiik tau naton tuir kapasidade sala blok ne´ebe iha.

" Agora dau-dauk blok ne´ebe bo´ot no barak liu akumula prizioneiru hamutuk 110 no selas 23, no prizioneiru sira mos komprende katak fatin no kondisaun mak nune´e maibe ami Autoridade mak preokupa tanba sira hanesan ema, sira labele atu hamutuk deit hanesan ne´e iha fatin ida", afirma João Domingos.

Prizaun Bekora oras ne´e dau-dauk iha Prizioneiru 606, kompostu husi Prizaun kondenado 443 no prizaun preventiva 163.Fel

 


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker