GMN TV Justica e Segurança Promosaun Koronel na’in 4 ba jeneral, depende ba desizaun PR

Promosaun Koronel na’in 4 ba jeneral, depende ba desizaun PR

0 views

Xefi Kaza Militar Prezidenti Repúblika, Koronel António da Silva Soares ‘Maucalo’ hateten, promosaun Koronel na’in 4 husi Falintil-Forsa Defeza Timor Leste (F-FDTL), atu ba Jenerais ne’e depende ba desizaun husi Prezidenti Repúblika (PR), Francisco Guterres Lú Olo.

Koronel António da Silva Soares ‘Maucalo’ hato’o asuntu ne’e ba jornalista sira, hafoin partisipa segundu reuniaun Konsellu Superior Defeza no Seguransa ho PR iha Palásiu Prezidensial Nicolau Lobato Díli, Segunda (28/5).

“Ohin Konsellu Superior Defeza no Seguransa nu’udar órgaun konsulta PR nian halo segunda reuniaun ne’ebé Prezidenti Repúblika halo konsulta ba sira atu koalia konaba asuntu defeza seguransa nian. Ajenda reuniaun ne’e koalia kestaun 3. Ida mak koalia konaba aprova akta reuniaun ne’ebé uluk halo ona, liu-liu konaba rekondusaun mandatu jeneral komandante Lere. Segundu konaba promosaun koronel na’in 4 F-FDTL ba Jenerais no terseiru mak diversus, katak presiza fó valór ba ita nia ema sira nian ne’ebé fó sira nia terus ba nasaun ida ne’e, no ohin ita ukun-an. Maibé buat hotu depende ba desizaun Prezidenti Repúblika nian,” hateten Xefi Kaza Militar Prezidenti Repúblika, Koronel António da Silva Soares ba jornalista sira.

Nia hateten, Prezidenti Repúblika, Francisco Guterres Lú Olo enkontru ho membru Konsellu Superior Defeza no Seguransa ne’e hodi husu sira nia hanoin molok desidi atu promove Koronel na’in 4 F-FDTL nian ba jeneral.

Xefi Kaza Militar Prezidenti Repúblika, Koronel António da Silva Soares ‘Maucalo’ haktuir, hafoin rona konsellu superior defeza no seguransa sira nia hanoin, PR sei halo analiza ka estudu no sei fó sai nia desizaun ikus konaba promosaun koronel na’in, 4 F-FDTL nian ba jeneral.

Nia hateten, koronel na’in 4 F-FDTL nian ne’ebé atu promove ba jeneral ne’e, nu’udar promosaun pur distinsaun, katak sei haree liu ba sakrifísiu no kontribuisaun ne’ebé sira halo ona ba libertasaun país nian.

Reuniaun ne’ebé hala’o iha Palácio Prezidénsial Bairru Pite Díli, partisipa husi Xefi Estadu Maior F-FDTL, Major Jeneral Lere Anan Timur, Komandante Jeral PNTL, Komisáriu Julio Hornai no membru governu balun.

“Atu fó valór ita formaliza, iha lei ne’e hateten presiza fó valór ba ita nia ema nu’udar rekoñesimentu Estadu nian ba sira, ne’ebé promosaun ida ne’e tuir proposta jenerais nian ne’ebé dehan promosaun pur distinsaun, no konteudu husi proposta ne’e katak, la prezisa katak iha vaga ruma mak ita promove nia ba okupa,”nia hatutan.

Entretantu Koronel na’in 4 husi F-FDTL ne’ebé sei promove ba jeneral mak hanesan, Komandante Sabika, Komandante Maunana, Komandante Aluk no Komandante Falur.ías


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker