GMN TV Justica e Segurança Taka dalan ba AMP iha Hera, PNTL detein suspeitu nain tolu

Taka dalan ba AMP iha Hera, PNTL detein suspeitu nain tolu

0 views

Polísia Nasionál Timor-Leste (PNTL), Munisípiu Díli kaptura suspeitu nain tolu  hodi detein iha sela Eskuadra Hera, tanba ema sira ne´e taka dalan ba militante Aliansa Mudansa ba Progresu (AMP), hafoin partisipa kampaña eleitoral iha Tasitolu Díli (08/05/18).

``Iha  Hera grupu  ida mak taka fali dalan entaun horikalan (Hoirbairuak-red)  ami nia ekipa ida iha Postu ne´eba mak ba koalia ho sira, maibe sira la rona hodi nune´e mak ami reforsa tan ekipa patrullamentu no forsa rezerva husi ne´eba, la konsege nafatin entaun Komando jeral apoiu liu husi Unidade Espesial Polísia nomós ita nia forsa apoiu tan  ne´e mak horikalan kaptura ema nain tolu  oras ne´e dadauk nain tolu ne´e iha Eskaudra Cristo-Rei atu hala’o prosesu kontinuasaun. Horikalan kedas ha´u orienta liu-liu parte servisu investigasaun atu koordena ho Ministériu Públiku para halo prosesu ne´e,``esplika Komandante PNTL Superintendente Xefe Pedro Belo ba  GMN Kuarta (09/05/18) iha Kuartel PNTL Díli.

Maske ema taka dalan ba iha hera iha tempu kalan ba militante AMP Hera,  maibe Pedro Belo dehan,  kampaña eleitoral AMP nian iha Tasitolu la´o kapa´as iha tempu loron, maibe depois de kampaña remata militante sira book, maibe la rezulta kanek todan, tanba  vitima rasik la ba hatoo keisa  iha Komando PNTL Díli.

``Ita haree de´it iha facebook mak  ema tau hela foto ema kanek maibe kanek sira ne´e, vitima la aprezenta ba eskuadra  ne´ebé mak besik,``dehan Pedro Belo.

Iha  parte seluk, militante no simpatizantes AMP  ne´ebé mak kontra kódigu estrada, ne´e mak PNTL konnsege prende motorizadas 33,  kanu Raceing 23  no la uza kapaseti 10.  Bainhira  nain ba selu tiha multa hafoin foti hikas sira nia motor iha Kuartel PNTL  Tranzitu Caicoli Díli.

Entretantu   kampaña partidu FRETILIN Kuarta (09/05/18), iha Tasitolu Díli, PNTL fó seguransa máximu. Maibe   iha dadersan de´it, Unidade Tránzitu prende motorizadas  husi militante FRETILIN nian balun, tanba uza kanu raceing no balun la uza kapaseti.avi


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker