GMN TV Justica e Segurança Domingos Caero tama lista indultu ba 20 de Maio 2019

Domingos Caero tama lista indultu ba 20 de Maio 2019

0 views

Ministériu Justisa prepara ona lista prizioneiru na’in 60 ,inklui prizoneiru eis Sekretariu Estadu Óbras Públikas Domingos Caiero, atu entrega ba Prezidente Repúblika, hodi tetu molok fó indultu iha loron 20 de Maiu mai.

Ministru Justisa , Manuel Cárceres hatete, nia parte sei entrega lista ne’e ,iha tempu badak ba Prezidente Repúblika Francisco Guterres Lú Olo, hodi tetu no desidi prizioneiru se-se deit, mak merese hetan indultu, iha Komemorasaun Loron Restaurasaun Independénsia Timor- Leste, 20 de Maio tinan 2019.

Lista prizioneiru ne’ebé Governu propoin prizoneiru ema na’in 60 ,inklui  Eis Sekretariu Estadu Óbras Públikas Domingos Caiero.  Eis Sekretariu Estadu Obras Públikas Domingos dos Santos Caero, Tribunál Rekursu kondena ho pena prizaun tinan 3,fulan 6 no selu kustu judicial USD 200.00.

Tribunal Rekursu fó sai katak, Tribunal Rekursu absolve tiha krime abusu de poder artigu 297 no partisipasaun ekonomiku negosiu artigu 299 codigu penal Timor Leste  ne’ebe antes ne’e Ministeriu Publiku akuza ba arguidu Domingos.

Tribunal Rekursu halo fali alterasaun juridiku ba krime  administrasaun danosa artigu 274 codigu penal Timor-Leste nune’e Tribunal Rekursu kondena Domingos ho krime refere.

Domingos Caero, sai SEOP iha tempu iha IV Governu ne’ebe lidera husi kay Rala Xanana Gusmão, no momentu ne’e Domingos diskunfia komete iregularidade iha projetu halo estrada iha Maliana, munisipiu Bobonaro.

 “Numeru dadur hamutuk 60 prontu ona atu haruka ba nai Prezidente Repúblika atu fó indultu ka lá  fó ne’e kompetensia Prezidente Repúblika nian atu fó indultu ka atu hamenus nia tinan kastigu ka ne’e PR nia kompetensia tomak, sim Eis Sekretariu Estadu Óbras Públikas Domingos Caiero,tama lista indultu”, dehan  Ministru Justisa Manuel Cârceres hato’o lia hirak ne’e, hafoin aprezenta relatóriu ezekusaun Orsamentu Jerál Estadu, tinan 2019 ba Primeiru Ministru, iha Palásiu Governu ,Segunda (06/05).

Governante nee esplika kriteria ba prizoneiru sira atu hetan indultu maka prizoneiru tenki kumpri pena Um Terços, ( 1/3) husi pena refere, balun hetan liberdade kondisional, wanhira nia kumpri ona metade, prizoneiru balun to’o ona tinan 93 no mós hetan moras ida ne’ebé labele kura ona.

“Kriteria atu hetan indultu ne’e primeiru nia tenki kumpri nia pena ne’e um terços 1/3 dari nia pena balun bele hetan liberdade kondisional ,kuandu nia kumpri ona metade ,balun iha kriteria katak, nia tinan 93 ona nia ba kadeia tan halo saida nia hein de’it loron atu maromak bolu ne’e ,ou nia moras ida ne’ebé labele kura iha ne’ebá  nia ba hela iha ne’ebá halo saida”, hatete Ministru.

Nia dehan lista prizoneirus sei konklui iha semana oin ,tamba Ministeriu Justisa sei entrega antes atu Prezidente Repúblika bele tetu no deside hodi fó indultu.

“Lista final atu haruka ba PR ne’e sei remata iha semana oin,tamba sira iha ne’ebá tenki estuda sira ne’ebé mai atrazu labele ona ne’e hein fali ba Novembru ,tamba sei fó tempu ba PR atu estuda ,depois hatun ninia desizaun, ne’e desizaun ida ne’ebé los , desizaun tuir konstituisaun, tuir Maromak nia ukunfuan ,tuir Prezidente Repúblika nia fuan bo’ot”, dehan Ministru Justisa.

Tuir dadus diresaun nasionál prizaun no insersaun sosiál Ministériu Justisa, to’o fulan Abril tinan 2019 total dadur iha komarka tolu, Becora, Suai no Gleno- Ermera iha prizoneiru nain 781.tos


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker