GMN TV Justica e Segurança F-FDTL ho PNTL prontu fo seguransa ba isu terrorizmu ■ Deskonfia membru PNTL ida tuda mate komunidade iha Baucau

F-FDTL ho PNTL prontu fo seguransa ba isu terrorizmu ■ Deskonfia membru PNTL ida tuda mate komunidade iha Baucau

0 views

Ministru Defeza (MD) Filomeno Paixão, hatete Falintil Forsa Defeza Timor-leste (F-FDTL) no Polisia Nasional Timor-Leste (PNTL), prontu ona atu fo seguransa ba isu terrorizmu  ne’ebé espalha iha públiku.

“ Terrorista labele hein deit ita atu atua maibé tenke iha antesipasaun, katak povu tomak hamutuk ho organizasaun naun Militares hamutuk atu fahe informasaun antesipa atu ita hotu prontu halo atuasaun ba isu sira ne’e,” dehan Ministru Defeza, Filomeno Paixão, ba Jornalista sira segunda (20-05-2019) iha Palásiu Prezidensial Aitarak laran Díli hafoin partisipa selebrasaun loron 20 de Maio ba dala 17.

Ministru Defeza, haktuir konaba Fronteira entre Timor-leste ho Indonezia labele jestaun husi Polisia ho F-FDTL maibé ida ne’e jestaun ida komprensivu, no husi Polisia nian ami halo esforsu bo’ot ona liu husi vizita ne’ebé ami halo ba iha postu Fronteira hodi halo proposta ba tinan 2020 oinsa aumenta postu iha área Fronteira.

“Ha’u halo ona proposta atu aumenta Postu ba iha Unidade Polisia Fronteira (UPF) no no F-FDTL atu nune’e ita kombina hodi bele halo kontrolo diak liu relasiona ho servisu sira ne’ebé imigrasaun sira halo,” dehan  Ministru Defeza.

Filomeno Paixão, afirma oras ne’e iha ona ekipa Polisia Espesiais hanesan PNTL no F-FDTL ne’ebé preparadu atu fo seguransa ba isu terrorista , maibé konaba terrorista labele hein deit atu atua maibé tenke antesipa hodi buka informasaun barak konaba informasaun ne’e.

Nune’e mos, Komandante Jeral  Polisia Nasional Timor-Leste (PNTL), Komisariu Faustinu da Costa, hatete klaru katak servisu Polisia prontu fo nia  responsabilidade iha seguransa ba asuntu saída deit, tanba ne’e ita hotu iha esperansa ba isu-isu terrorista ne’ebé dehan sei tama Timor sei la sai realidade.

“ Ha’u hanoin  ita Timor  katak, Timor duni no saída mak ita nia esperansa ita sei la hanoin buat hirak ne’e sei akontese, no sei to’o iha Timor,” dehan  Komandante Jeral  PNTL, Komisariu Faustinu da Costa.

Deskonfia membru  PNTL  ida tuda mate komunidade iha Baucau

Membru Polísia Nasionál Timor-Leste (PNTL) ho inisial SX, deskonfia kaer fatuk hodi   tuda  mate   Saturlino  Aurelio Ximenes iha Munisípiu Baucau.

Kazu ne’e akontese iha área EDTL  Aldeia  Trilolo Suku Trilolo, Postu Administrativu Baucau Villa Munisípiu Baucau Sesta  (17/05/19), mais ou menus tuku 8 kalan oras Timor-Leste.

Wainhira akontese kazu ne’e iha kalan ne’e kedas familia vitima konsege lori  vitima Saturlino  Aurelio Ximenes ba ospitál referensia Baucau, maibe  dotor sira labele salva vitima Saturlino nia vida/ tanba  pankada makas husi fatuk.

Nune’e  iha  Sabdu (18/05/19) familia sira transporta  matebian Saturlino mai iha mortuariu Hospital Naciona Guido Valadares hodi submete ba autopsia.

Familia matebian  Antónia Leocadia Guterres hateten, Saturlino  Aurelio Ximenes, deskonfia oho husi  membru Polísia ida ho inisial SX tanba problema hadau rai.

Kazu  rai ne’e akontese iha loron 29 fulan Abril, iha momentu ne’e vitima Saturlino  sei moris  nia halo dapur kikoan ida ho nia medida 3x3, maibe  membru Polísia SX ne’e  la autoriza vitima  Saturlino, halo uma iha fatin refere, tanba membru Polísia   ho inisial refere konsidera rai ne’e ninian, tanba sosa kotu ona.

Kada fulan-fulan  dehan suspeitu Polísia  SX selu taxa ba Estadu.

Maibe   Saturlino ninia espoza mós dehan,  ba suspeitu ne’e katak,  Saturlino mós iha dereitu ba rai  ne’e, tanba rai ne’e Estadu ninian.  No  Saturlino mós iha direitu ba rai ida ne’e hodi  halo uma dapur.

Problema ne’e kontinua alarga to’o iha Kuarta feira semana kotuk, tanba la hetan solusaun.

“Sesta (17/05/19) iha kalan fali ha’u rona suspeitu Polísia SX  dehan tuda  mate Saturlino, ha’u liu ba mak hare’e iha ospitál referral Baucau”,esplika familia vitima Antónia Leocadia Guterres, ba GMN Domingu (19/05/19) iha mortuario Hospital Nasionál Guido Valadares (HNGV) Díli.

Relasiona ho akontesimentu ne’e, Komandante Operasionál PNTL Superintendente Xefe Pedro Belo hateten, dadauk ne’e, PNTL detein ona suspeitu  nain rua iha sela detensaun Munisípiu Baucau hodi  submete ba Triunal iha Distrital Baucau. Husi suspeitu nain rua ne’e inklui suspeitu PNTL  ho inisial SX.

Relasiona akontesimentu ne’e Pedro Belo, husu ba familia matebian sira, atu nafatin kontribui pas  no estabilidade hodi prosesu ne’e la’o ba oin.

“Ha’u hanesan fó mensazen ba joven sira, kazu ida ne’e involve joven mak barak. Tanba ne’e mak ha’u avizu ba hotu-hotu, prosesu  ba kazu ne’e dadauk la’o tiha ona,   suspeitu ita deskonfia  iha ona sela Polísia. Tanba ne’e mak parte hotu-hotu tuur hakmatek,  ita hotu koopera ho Polísia sira, hodi nune’e prosesu ba kazu ne’e la’o diak”,dehan Pedro Belo.

Mate isin Saturlino dotor patolojia no Forensik halo ona autopsia  iha  Domingu  (19/05/19) entrega ona  ba  familia sira hodi hala’o seremonia funeral iha  ba Baucau. Matebian mate husik hela nia fen kaben ho oan nain 6.fel/avi


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker