Komando FALINTIL –Forsa Defeza Timor-Leste (F-FDTL) hasai Segundu Sarjento José da Silva Barreto, husi instituisaun F-FDTL, tamba na’ok komunidade ninia Bibi.
Lia hirak ne’e hatoo husi Komandante Komponente de Formasaun Treinu FALINTIL Forsa Defeza Timor-Leste, Tenente Koronel Celestino Pinto Daeleba liu husi konfrensia imprensa Segunda loron 27 fulan ne’e.
Tenente Koronel Daeleba hateten, Komando F-FDTL hasai Segundu Sarjento José da Silva Barreto, tanba naok komunidade nia bibi iha Xina Rate fulan fulan Janeiru tinan 2019.
“Segundu Sarjentu ne’e ami hasai núdar izemplu diak hanesan millitar hotu ne’ebé ema ne’e halo, sé karik militar seluk mak komete erru hanesan ne’e ténki separasaun de servisu, instituisaun ida ne’e hari ran ho ruin, ema mós mate barak, labele hamonu nia dignidade”,esplika Tenente Koronel Celestino Pinto Daeleba iha Metinaro.
Durante ne’e, Segundu Sarjento José da Silva Barreto, nudar membru instrutur koloka iha Komponente de Formasaun Treinu F-FDTL Metinaro.
Antes ne’e, José mos hetan ona kastigu halai husi Cemiteriu Becusse to’o kuartel Polisia Militar Quintal Bot.
Antes ne’e mós Komando F-FDTL hasai ninia soldadu husi Komponente Apoiu Servisu KAS, Domingos Bolu.avi
