GMN TV Justica e Segurança Konfrontu ihaVemase, ema ida mate ■Motor tolu hetan estragus

Konfrontu ihaVemase, ema ida mate ■Motor tolu hetan estragus

0 views

Konfrontu  entre  joven sira iha Vemase, Caicua, Munisípiu Baucau rezulta  komunidade ida mate, tanba hetan tuda  ho fatuk no sona ho diman. Kazu  ne’e akontese iha Domingu (26/5/19).

Tuir  informasaun husi  família matebian, Quintino  da Costa  Amaral katak,  kazu  ne’e akontese wainhira  matebian,   Filomeno  Maia  Gusmão  partisipa iha  seremonia  festa  koremetan iha  Vemase.

No  wainhira vítima ho ninia kolega sira  lori aifunan  ba iha kapela iha  Vemease, maibe iha dalan klaran, iha grupu balun, lasu perigu iha estrada laran hafoin mak  hodi halo asaltu hasoru vítima Filomeno  Maia  Gusmão, ho ninia kolega sira iha dalan.

Iha akontesimentu refere Filomeno  Maia  Gusmão hetan sorte aaat, tanba hetan tuda  ho fatuk iha parte ulun fatuk no sona ho diman iha ain nune’e monu tun ba rai.

Ho akontesimentu ne’e,  Polísia Munisípiu Baucau  to’o iha fatin akontesimentu hodi evakua vítima ba ospitál referensia Baucau, maibe labele salva Filomeno  Maia  Gusmão ninia vida.

“Ha’u senti tristi tebes, la’os ha’u família senti tristi tebes  tanba lakon alin ida mak durante ne’e hamutuk ho ami,  senti ladun moras, la’os buat seluk, maibé kauza husi ema seluk mak hakotu ninia vida ida ne’e  mak ami senti tristi tebes”,esplika família matebian  Quintino  da Costa  Amaral, Segunda (27//05/19) iha mortuáriu HNGV Bidau Díli,  hafoin família transporta mate isin  husi Ospitál referal Baucau  mai iha mortuáriu  HNGV hodi submete ba autópsia.

Mate isin autópsia husi dotor patólojia ho Polísia Forensik hahú iha tuku 11 dadersan to’o tuku 12 meudia, nune’e iha tuku  1  ho balun lokraik oras Timor-Leste,   dotor patolojia ho Polísia Forensik, entrega kedas ba família hodi lori ba rai iha kampung Baru Díli,  nune’e tuir planu,  mate isin sei halot iha  Aldeia Odolgomo, Suku Aiasa Munisípiu Bobonaro.

Dadauk ne’e matebian iha ona fen kaben isin rua todan  ho oan nain  rua sei kiik.

Relasiona ho akontesimentu ne’e Quintino  da Costa  Amaral dehan, dadauk ne’e PNTL detein ona suspeitu  nain hitu iha sela PNTL Munisípiu Baucau.

Entretantu lei númeru 5/2017/ armas brankas bandu ema lori sasan kro’at hodi hakanek no habadak ema ninia vida.

Motorizada tolu hetan estragu

Motorizada tolu no ofisina ida iha área Malinamuk,  Suku Comoro,  hetan estragus, husi grupu ne’ebé akompaiña mate isin Filomeno Maia Gusmão, husi HNGV mai Kampung Baru. Kazu ne’e akontese mais ou menus iha tuku rua meiudia.

Ho akontesimentu grupu hirak ne’e halo komunidade  iha área Malinamuk sente preokupa no trauma, tanba komunidade iha área ne’e la hatene problema, maibé derepente deit mosu grupu ida husi masa ne’ebé akompaiña mate isin ne’e  halai sai ba estraga tiha komunidade nia sasan.

Motor sira mak ho tipu Jupiter MX  ho sapa matrikula  H 4517 TL no Jupiter I 5956 TL

 Xefe Juventude Malinamuk Egas Henrique Fátima haktuir katak  iha konvoi ne’ebé akompaiña mate isin Filomeno Maia Gusmão, mai Kampung Baru ne’e, iha grupu ida mak tuda no estraga motorizada tolu inklui ofisina ida ne’ebé iha estrada ninin.

Ho akontesementu ne’e Polisia Nasional Timor-Leste to’o kedas, iha fatin akontesementu maibé suspeitu sira ne’ebé involve iha kazu ne’e la konsege kaptura no halai.

Enkuantu PNTL  kontinua buka tuir suspeitu sira ne’ebé involve iha kazu ne’e hodi submete ba prosesu investigasaun iha Polisia Nasional Timor-Leste.avi

 


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker