GMN TV Justica e Segurança Manuel Cárceres: Eis membru Governu balun inklui iha lista indultu

Manuel Cárceres: Eis membru Governu balun inklui iha lista indultu

0 views

Governu liu husi Ministériu Justisa (MJ) submete ona pedidu lista indultu prizioneiru hamutuk na’in 57 ba Prezidenti Repúblika (PR), Francisco Guterres ‘Lú Olo’, hodi desidi tuir kompeténsia PR atu fó indultu ka la’e, iha loron 20, fulan Maiu agora.

“Ha’u rona komentáriu barak husi públiku katak, MJ husu indultu ba prizioneiru ne’e sala, tanba MJ nunka husu indultu, maibé tuir lei indultu númeru 5/2016, MJ hanesan ponte hodi prosesa no labele hamenus no aumenta lista, inklui laiha rekomendasaun no ha’u só asina de’it pedidu husi prizioneiru 57 no hato’o ona ba PR atu tetu tuir kompeténsia PR, sé maka merese atu hetan indultu, iha loron 20, fulan Maiu, tinan ne’e no ita hein husi lista ne’e sé de’it maka hetan indultu no sé maka la’e, maibé husi lista 57 ne’e kompostu mós husi eis membru Governu na’in tolu (3) ou hát (4) ne’ebé tama prizaun tanba kona kazu, maibé sira nia naran ha’u sinti no ema hotu hatene”, Ministru Justisa (MJ), Manuel Cárceres ba GMN iha ninia kna’ar fatin, Colmera-Díli, Sesta (17-05-2019).

Governante ne’e esplika, pedidu indultu ba eis membru Governu balun ne’e mai husi família ho razaun umanitária, maibé sé de’it maka tama iha prizaun sai ona hanesan prizioneiru, la’os eis membru Governu.

“Husi lista hirak ne’e maka balun la hetan indultu PR sei komunika fali mai MJ, atu nune’e bele fó hatene ba prizioneiru sira katak, seidauk bele hetan indultu no tenki kontinua kumpri pena ne’ebé iha”, dehan Manuel.

Manuel Cárceres dehan, kriteria atu hetan indultu ne’e primeiru tenki kumpri um terço de pena, maibé kuandu ho razaun umanitária bele hetan indultu liu husi komportamentu, segundu liu ona metade de pena hodi hetan liberdade kondisional no ida ne’e tenki haruka ba juíz prosesu ida-idak maka desidi.

Tuir lei númeru 5/2016 hateten, prizioneiru ne’ebé ba prizaun ho krimi violasaun sexual ba labarik, omisídiu agravadu no korupsaun aktiva ka pasiva, trafikante labele hetan indultu, maibé kuandu ho razaun moras bele hetan indultu.

Entretantu eis membru Governu ne’ebé maka dau-daun ne’e iha hela prizaun maka hanesan eis Sekretáriu Estadu Meiu Ambiente (SEMA), Abílio Lima, eis Sekretáriu Estadu Obras Públika (SEOP), Domingos Caeiro, eis Sekretáriu Estadu Fortalesimentu Institusional (SEFI), Francisco Borlaco no eis Ministru Edukasaun (ME), João Cançio. ita


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker