GMN TV Justica e Segurança Membru polísia deskonfia baku komunidade Golgota ■Euclides Belo: Iha prosesu investigasaun

Membru polísia deskonfia baku komunidade Golgota ■Euclides Belo: Iha prosesu investigasaun

0 views

Komunidade Aldeia Golgota  bairu Seroja, Suku Comoro, Postu Dom Alexio, Munisípiu Díli, lamenta  membru polísia tránzitu ho inisial JS deskonfia baku komunidade Golgota to’o metan.

Kazu  ne’e akontese iha  Segunda loron 6 fulan Maio tinan 2019,   iha Bairu Seroja , mais ou menus tuku  ualu kalan oras Timor-Leste.

Portavos  Venançio Lopes haktuir kronolojia akontesimentu ne’e katak, hamrik iha estrada públiku, hodi  deskonfia halo pasarevista no halo agresaun  fiziku hasoru komunidade Seroja.

“Tanba  ne’e ami komunidade Seroja Golgota la satisfeitu ho hahalok sira, tuku no tebe  arbiru  joven sira iha  bairu laran sein sala ruma  hodi halo   hasoru oknum Polísia”,esplika Portavos Venançio Lopes,  Tersa (07/05/19), iha bairu Seroja Komoro, liu husi konfrensia imprensa.

Nia hatutan,  iha akontesimentu ne’e, radio komunikasaun monu lakon, tanba membru kondisaun lanu labele kontrola, ikus mai membru Polísia ne’e dun fali joven sira iha bairu laran, depois kontaktu nia maluk sira Unidade Task-Force hodi halo atuasaun ba joven ida naran Silvestri  Moniz da Cunha, rezulta ain kanek hotu no isin nia inisin lolon hetan mós tuku ho tebes husi membru Task-Force, to’o vitima lori ba hala’o  tratamentu iha Sentru Saúde Komoro.

Liu tiha minutu balun, Xefe Aldeia   Golgota Agostinho de Sousa Pereira, rona problema ne’e tenta hakbesik  ba membru Polísia   ne’e  hodi buka tuir  JS ninia radio Komunikasaun ne’ebé mak lakon,  maibe  oknum Políisia, lakohi koopera no tolok fali autoridade lokal Golgota  ne’e.   Nune’e membru Task-Force balun konsege rasta Xefe Aldeia Golgota nia jeket parte kalilin nakles.

“Iha komunidade nia oin,  membru Polísia ne’e hasai liafuan ba  komunidade dehan ha’u baku imi no imi  bele kesar iha ne’ebé de’it ha’u la tauk tanba ha’u mate restu 12 Novembru, ne’ebé ami povu senti tristi, tanba  oknum Polísia ida mai lori fali  naran 12 Novembru  hodi ameasa povu kiik no laiha hanoin nasionálismu iha rai”,dehan   Venançio Lopes.

Tanba  ne’e,  Portavos  Venançio Lopes, ijiji orgaun soberanu hat,  liu-liu ba orgaun soberanu  Prezidente Repúblika, Governu, Parlamentu Nasionál no Tribunal Rekursu, liu-liu ba Komando PNTL  no Ministru Interior atu fó sansaun disiplinar ba hahalok membru Polísia ho inisiál JS.

Alende ne’e Xefe Aldeia   Golgota Agostinho de Sousa Pereira,  klarifika katak, akontesimentu  ne’e nia sai fali hanesan vitima, tanba autoridade lokal nia  prezensa ba iha fatin akontesimentu atu koopera  ho membru Polísia JS atu buka tuir membru Polísia JS nia radio Komunikasaun ne’ebé mak lakon.

“Ha’u nia intensaun ba ne’e atu koopera, derepenti maun Polísia ne’e hasai fali liafuan trata tolok no sadik, ha’u ho nervozu oituan, maibe la ataka nia”, Agostinho de Sousa Pereira.

Nune’e mós Andre da Costa Silva Pereira hateten, Radio Komunikasaun (RK) membru Polísia JS  ne’ebé mak monu, nia mak hili, maibe intrega ona ba Xefe Estadu Maior Jeneral  F-FDTL Major Jeneral Lere Anan Timur, iha ninia rejidensia Praia dos Coqueiros Díli.

“Ha’u tuir lolos atu intrega fali ba nia nain, maibe tanba nia kondisaun lanu ha’u labele intrega ba nia. Tan ne’e mak ha’u lori ba intrega  iha membru F-FDTL ida hodi intega radio ne’e ba  Jeneral Lere Anan Timur”,dehan  Andre da Costa Silva Pereira.

Nune’e mos, Komandante PNTL Munisípiu Díli Interinu Superintendente Assistente Euclides Belo hateten, kona ba kazu ne’e parte PNTL halao hela investigasaun atu bele hetan lia los.

“Ami espera katak asuntu hirak ne’e ami sei la haliis ba parte ida, ami sei haree ida ne’e”,Komandante PNTL Munisípiu Díli Interinu Superintendente Assistente Euclides Belo hateten.


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker