GMN TV Justica e Segurança MJ husu Hotel Timor -ENSUL atu kumpri lei Timor-Leste

MJ husu Hotel Timor -ENSUL atu kumpri lei Timor-Leste

0 views

Governu liu husi Ministériu Justisa, fó chamada atensaun ba empreza internasionál sira, hanesan Hotel Timor, ENSUL no sira seluk ne’ebé utiliza, patromóniu Estadu hodi halo atividade negósiu, tenke obdese ba lei Timor - Leste nian, hodi selu arendamentu.

Ministru Justisa Manuel Cárceres, hato’o kestaun ne’e, tanba kompañia Hotel Timor ho ENSUL, durante ne’e halo negósiu la selu arendamentu no seidauk koopera di’ak, ho Ministériu Justisa hodi ultrapasa problema ne’e.

Ministru Justisa Manuel Cárceres, kasu lia hirak ne’e, hafoin enkontru ho Primeiru Ministru Taur Matan Ruak, iha palásiu Governu.

“Hau informa ba Primeiru Ministru konabá situasaun oinsa atu bele ajuda ita nia maluk sira ne’ebé aluga Hotel Timor ne’e, para resolve lalais situasaun ne’e ,situasaun ne’e la’o diak hela aban (Tersa-red) bele to’o ona konkluzaun sira kumpri sira nia dever ,Estadu mós kumpri Estadu nia dever, ita sei buka nafatin kompañia internasional sira hodi halo dialogu ho sira atu kumpri lei Timor nian, tamba hau ba Portugal ,Austrália no Xina mós hau kumpri  lei sira nian nune’e sira iha Timor mós ita hanorin atu kumpri ita nia lei”, afirma Ministru Justisa Manuel Cárceres.

Konabá Hotel Timor selu arendementu ba Estadu hahú husi fulan hira to’o fulan hira Ministru Justisa hatan katak , aban lokraik (tersa lokraik) bele iha ona rezultadu, tamba aban (ohin lokraik) loron ikus Hotel Timor koalia ho Ministeriu Justisa final ona ne’ebé osan tama ba  Estadu hira no seidauk tama ba Estadu hira, iha solusaun diak ,no sira koopera diak tebes.

Entretantu konaba kompañia ENSUL,Ministru Justisa ne’e akresenta, ENSUL utiliza proriedade Estadu sem selu arendamentu, liu husi akordu ida entre ENSUL ho Governu Timor-Leste.

Maibé Ministru Justisa afirma, Primeiru Ministru Taur Matan Ruak , fó ona orientasaun atu halo diálogu, ho parte empreza ENSUL hodi buka solusaun.

Entretantu Hotel Timor lokaliza iha sidade Díli nia fuan, harii iha tinan 1972 hahú nia operasaun ho naran Hotel Mahkota entre tinan 1976 to’o 1999. Maibé parte akordu husi Fundasaun Oriente ho governu Timor-Leste, nune’e hotel ne’e halo renovasaun, iha loron 20 de Maiu tinan 2002 ho naran Hotel Timor.

Entretantu empreza ENSUL nu’udar empreza Portugueza ne’ebé eziste durante 12 ona, iha Timor-Leste ho nia área operasaun ba konstrusaun sivíl.

Iha tempu badak ministériu justisa  sei buka solusiona ba problema empreza internasionál sira liu husi diálogu hodi nune’e bele kumpri lei ne’ebé regulariza sira nia atividade iha Timor-Leste.tos

 


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker