GMN TV Justica e Segurança PM Taur seidauk simu pedidu sosa kilat ba PCIC  Ramos Horta apoia

PM Taur seidauk simu pedidu sosa kilat ba PCIC  Ramos Horta apoia

0 views

Primeiru Ministru (PM), Taur Matan Ruak, to’o oras ne’e seida’uk simu pedidu atu sosa kilat ba Polícia Ciéntifico Investigação Criminal  (PCIC).

 “Pedidu mai ha’u nia Gabinete seidauk, ha’u haree imi jornal mais informasaun ida formaladu ne’e naturalmente iha desizaun ne’e iha Konsellu Ministru,” hateten, Xefe Governu Taur Matan Ruak  hafoin enkontru semanál ho Prezidenti Repúblika Francisco Guterres Lú Olo, iha Palasio Prezidensial Nicolau Lobato, Bairu Pite, Kinta (16/05/2019).

Maske, Governu liu husi Ministeriu Justisa prepara ona orsamentu Millaun USD100.000 atu sosa kilat ba PCIC. Maibe, Xefe Governu Taur Matan Ruak  dehan, to’o oras ne’e nia parte seidauk simu pedidu ruma kona-ba sosa kilat ba PCIC.

No nesesariu ka lae tuir, Primieiru Ministru  nia haree hanesan PCIC bele kaer kilat, Primeiru Minsitru hateten bele tanba sira treinu ba kaer kilat.

“Sei iha osan naturalmente sira sosa ne’e, bele tanba sira treinua ba ida ne’e,” deklara, PM Taur Matan Ruak.

Antes ne’e, Ministeriu Justisa atu sosa kilat ba PCIC aprova ona iha Konsellu Ministru iha Governu Anterior ho nia diploma Ministeriu Justisa Numeru 33/2017 loron 24 Maiu.

Eis PR Horta apoia PCIC kaer kilat

Eis Prezidente Republika,José Ramos Horta, apoia ba dezisaun Governu atu sosa kilat ba Policia Ciéntifico Investigação Criminal, tanba iha treinamentu no formasaun oinsa atu utiliza kilat.

Lauriado Nobel da Paz 96 nee  dehan PCIC halo parte ho nia konseitu seguransa nasional ,tamba sira ne’e defeza pesoal  no liga direta ho krime organizado oi-oin hanesan money  laundry,droga ne’ebe fo amesa ba sira nia vida.

 “Hau mós hanoin tamba sá mak labele polisia investigasaun sira parte ida prekupadu tebes, perigozu sira investiga krime organizadu iha rai barak Prokuradoria Jerál Repúblika rasik lori kilat ne’e duni hau lá haree hanesan problema bo’ot  ida, tamba iha treinamentu no formasaun bele lori pistola ne’e hau laiha preokupasaun”, dehan  eis Prezidente Republika,José Ramos Horta, iha edifisiu, Kinta (16/05), Eis Ministeriu Finansas Caicoli, Díli.

Jos Ramos Horta esplika policia Ciétifica halo parte ho nia konseitu seguransa nasional ,tamba sira ne’e defeza pesoal ,tamba sa mak labele ,tamba sira liga ho krime organizado oi-oin hanesan money Lundry, droga nune’e sira sente ameasadu ,tamba ne’e husik ba Governu halo desizaun.

Esi diplomata timor-oan nee konsidera, laiha implikasaun ,tamba ne’e instituisaun autonomu ,mas halo parte seguransa kompletu ba Estadu nian ,tamba ne’e laos instituisaun bo’ot nune’e bele kolabora ho polisia hodi hala’o investigasaun.

Enkuanto Governu prepara ona halo akizasaun ba arma ho tipu pistol besik atus ida, ho montante dolar  Amerikano miliaun 100.000 ba PCIC.

Sosa kilat ba PCIC aumenta problema

Diretór  Ezekutivu Fundasaun Mahein (FM), João Almeida, hateten, kuandu Governu sosa kilat ba Polícia Científica Investigção Criminal (PCIC) bele aumenta problema iha nasaun  ne’e.

Tuir  Fundasaun Mahein  nia observasaun no analiza katak,  PCIC ninia prezensa atu  tulun ba autoridade   judisariu iha prosesu  investigasaun  ba kazu sira  ne’ebé mak grave, organizadu , organizadu no komplexu.  Tanba  ne’e, Governu atu  investe formasaun ba  membru PCIC sira  hodi hasae sira  ninia kapasidade, liu-liu koñesimentu iha Cientifika,  hodi investiga kazu grave ruma,  presiza koñesimentu maka’as.

“Tanba  ne’e la presiza  ita sosa kilat ba PCIC, tanba  ita iha ona instituisaun ne’ebé mak ijisti ona  hanesan PNTL iha ona kilat, F-FDTL  iha ona kilat, tanbasa  ita la uza de’it kilat  ne’ebé iha,  sé karik iha investigasaun PCIC hetan ameasa ruma, ha’u hanoin diak liu estabelese kooperasaun  entré instituisaun Estadu nian hodi apoiu malu, bainhira iha risku sira, ho ida ne’e ita aumenta kilat signifika ita aumenta mós problema, tanba kilat sira ita  uza ne’e ninia kontrolu sei problema”, esplika Diretór  Ezekutivu Fundasaun Mahein (FM) João Almeida, ba GMN Kinta (16/05/19), iha nia kna’ar fatin Fomento Díli.

Nia hatutan, kazu sira akontese husi kilat,  to’o agora Governu seidauk rezolve lolos, purizemplu  kazu Kuluhun de Baisu, ninia prosesu investigasaun to’o iha  ne’ebé ona.  Liu-liu iha Díli eféitu husi kilat ne’e tinan-tinan vitima mak ne’e sempre mate kanek ho trauma.

Tanba  ne’e, FM  husu ba  Governu atu anula ka reve  sosa kilat  ba PCIC.

“Iha  âmbitu seluk  iha seguransa nasionál ninian, bainhira ita hola kilat ou aumenta kilat, signifika ita ameasa, agora ameasa ba  ita ne’e saida, tuir FM nia haree kilat ne’e  bele sai ba ita rasik”,dehan  João Almeida.

Antes ne’e, Diretór Nasionál PCIC Vicente  Fernandes e Brito hateten,  Governu sei halo akizasaun ba arma ho tipu pistol besik atus ida, ho montante orsamentu dolar  Amerikano miliaun atus ida.

Entretantu antes  ne’e, Xefe Estadu Maior Jeneral F-FDTL Major Jeneral Lere Anan Timur, mós la aseita  Governu sosa kilat  ba iha PCIC.

Alende ne’e, deputadu  iha uma fukun Parlamentu Nasionál husu Governu atu tetu didiak, wainhira sosa  kilat ba iha PCIC.tos/avi


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker