GMN TV Justica e Segurança Ramos Horta apoia PR Lú-Olo fó indultu ba prizoneiru

Ramos Horta apoia PR Lú-Olo fó indultu ba prizoneiru

0 views

Eis Prezidente Repúblika, José Ramos Horta, apoia ba Prezidente Repúblika Francisco Guterres Lu-Olo,atu fó indultu ba prizoneiru sira, tanba numeru prizoneiru liu ona kapasidade prizaun nian. 

“Hau nia filosofia no hanoin mak indultu ,laos favor ida buat ne’ebé sai iha Konstituisaun ne’e signifika obrigasaun indultu ne’e hanesan obrigasaun ida Estadu atu fó ,indultu hanesan komplementa  justisa, justisa halo tiha ema iha prizaun Prezidente Repúblika iha poder ida ne’e para sukat buat hotu-hotu  no fó indultu”, hatete Eis Prezidente Repúblika, José Ramos Horta, ba Jornalista sira iha edifisiu FDHC Caicoli, foin lalais nee.

Xefe Estadu ba periodu 2007 -2012 dehan Prezidente Repúblika Francisco Guterres Lú-Olo, fó indultu ka perdaun ba prizoneiru sira hanesan obrigasaun ida ,laos favór. Maibé antes halo desizaun, tenki  tetu didiak nune’e bele fo indultu ba prizoneirune’ebe mak merese hetan duni, tamba numeru prizoneiru iha priazaun Becora no Gleno barak tebes.

“ Prezidente Repúblika Francisco Guterres Lú-Olo, deside hodi fó indultu ba prizoneiru sira, hau fó apoiu ne’e para haree mós buka hamamuk oituan ba prizaun Becora ,tamba demais ona prizaun ne’e maxímu kapasidade ema 250 mas iha Becora ho Gleno numeru liu ona ida ne’e ne’e duni hau apoiu 100% fó maxímu numeru ba prizoneiru sira” , dehan Horta.

Tuir diplomata senior Timor- Leste nian nee katak PR nia mandatu ho kapasidade ema formadu, jurista, mais luta armada nia koñese sensibilidade tomak ,sé nia hatete fó indultu ,maske deputadu sira kritika ne’e sira nia direitu no sira nia hakarak ,maibé ne’e prezidente nia kompetensia.

“Hau hanoin rai Timor-Leste ida ne’e,tamba ita nia história,ita nia realidade tenki hatudu mós rai ne’e povu  sosiedade nia laran luak fó perdaun ba ema liu-liu ba sira ne’ebé mak laos krime de sangue, kazu korupsaun ne’e krime ,mas korupsaun ne’e la oho ema, korupsaun laos homesidu krime oho ema deliberadu ne’e mak grave liu korupsaun ne’e duni hau haree PR tenki fó indultu ba prizoneiru sira barak  diak liu tan ”, hatete Horta

Eis Prezidente Repúblika José Ramos Horta, husu mós ba sosiedade sivil, membru Parlamentu Nasional atu labele kritíka, konabá desizaun Prezidente Repúblika  fó indultu ba prizoneiru sira, tamba ne’e kompetensia Prezidente Repúblika nian.tos


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker