GMN TV Justica e Segurança Vijibilidade PNTL menus implika komunidade tauk la’o kalan

Vijibilidade PNTL menus implika komunidade tauk la’o kalan

0 views

Diretór Fundasaun Mahein (FM), João Almeida, konsidera, vijibilidade Polísia Nasionál Timor-Leste (PNTL)  la másimu,  fo implikasaun bo’ot ba komunidade tauk halo movimentu iha tempu kalan.

Tuir   João Almeida ninia observasaun inisiu fulan rua ka tolu ba kotuk, iha  Munisípiu Díli,  akontese konfrontu entre grupu artemarsiais, ne’ebé mak rezulusaun Governu  númeru  16/2013, desidi taka ona, hanesan Persaudaran Setia Hati (PSHT) Ikatan Kera Sakti (IKS) no Kmanek Oan Rai-Klaran (KORK),  kazu rama ambon, no asaltu  deskoñesidu,   inklui kazu  homesidu ema oho sidadaun Xina iha  bairu Hudi-Laran,  no  foin lalais ema ta’a joven nain rua iha Comoro.

Ho situasaun hirak ne’e halo komunidade tauk halo movimentu iha tempu kalan,  tanba  ida ne’e ameasa ida ba ema  nia liverdade liu-liu movimentu iha Díli. Ida  ne’e  bele dehan failansu ida mai husi  servisu Polísial ninian.

“Ita  hotu akompaña  infraetrutura baziku ba PNTL ninian, liu-liu postu sira ne’e, harii ona  iha estrada públiku sira ne’e, maibe dala barak postu sira ne’e mamuk no funsiona iha oras balun nia laran, dala ruma iha dader ou loraik, maibe tempu kalan postu sira mamuk até postu sira hetan estraga husi ema deskoñesidu, signifika katak, Polísia nia servisu la masimu”,esplika Diretór Fundasaun Mahein (FM) João Almeida, ba GMN  Kuarta (07/05//19) iha nia kna’ar fatin Fomento Díli.

Tanba  ne’e, FM rekomenda ba Komando Jerál PNTL  atu realiza ninia deklarasaun  katak, sei asegura 24 oras  hodi garante seguransa ba aktividade hotu-hotu, husi patrulhamentu  tantu loron  kalan no sira nia prezensa iha postu Polísial Trânzitu harii ona  iha estrada públiku Díli.

“Ha’u hanoin ida ne’e bele asegura ona ema ninia liberdade”,dehan João Almeida.

Alende  ne’e, Komandante PNTL Munisípiu Díli Interino Superintendente Assistente Euclides Belo  hateten, vijibilidade PNTL  iha tempu kalan la’o nafatin.

“Ami hetan mós kooperasaun  ho Unidade Espesial Polísia,  hodi hala’o movimentu para garante seguransa nafatin”,dehan Euclides Belo.

Euclides Belo, husu ba  komunidade liu-liu Díli laran no for a husi Munisípiu seluk, atu avontade mai  tún  mai Díli,  tanba  PNTL  kompremetidu garante seguransa durante oras 24.

Dadauk ne’e   Komando  PNTL Munisípiu Díli,  iha membru hamutuk atus hat resin,  mak garante seguransa  no movimentu komunidade.avi


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker