GMN TV Justica e Segurança Armando Monteiro: Pasajeiru sira tenke uza máskara

Armando Monteiro: Pasajeiru sira tenke uza máskara

1 views

Komandante Polísia Nasionál Timor-Leste (PNTL) Munisípiu Díli,  superintendente Xefe Armando Monteiro hateten, transporte públiku hanesan taxi, mikrolet no bus sira governu   autoriza hodi  tula fali pasajeirus, maibé tenke uza máskara no tuur tenke dodook malu.

Armando Monteiro esplika, regra Estadu Emerjénsia  segunda faze,  kontinua suspende aktividade kulturais no aktividade relijiojas, aktividade desportiva no  suspende aktividade manifestasaun,inklui aktividade edukasaun formal no formasaun sira.

Maibé kona-bá sirkulasaun transporte públiku sira, tula pasajeiru ninian, Ministériu Transporte Komunikasaun, autoriza hodi hala’o fila-fali  movimentu, maibé pasajeiru sira tenke uza máskara  no mantein distánsia sosial, evita kontaktu fíziku  wainhira hala’o movimentu,atu nune’e bele prevene moras COVID-19.

 “Ita nia regra  ida ne’e laiha  limitasaun ba  ema ninia movimentu  aktividade ekonomikamente nafatin la’o normal hanesan primeiru faze Estadu Emerjénsia, movementu komunidade la’o normal maibe aktividade ne’ebé mak suspende nafatin, purizemplu  labele halibur liu ema lima ba leten, ba aktividade kultural mós sei bandu hela, aktividade relijioza ninian,  aktividade jogus, desportivus sira no aktividade ne’ebé mak halibur liu ema barak ou demontrasaun ou manifestasaun. Alende aktividade edukasaun formal no formasaun  sira nian ne’ebé nafatin suspende hela”,esplika Komandante PNTL munisípiu Díli Superintendente Xefe Armando Monteiro, ba jornalista sira Tersa (05/05/20), iha Kuartel PNTL munisípiu Díli.

 Ba vendedores  ambulante, loja, supermerkadu, mini merkadu, restorante, estasauan kombustivel   no tipu negosiu  seluk, tenki  prepara  fasilidade fase liman.

Prezidente Republika Francisco Guterres Lú Olo, dekreta estadu  emerjénsia primeiru faze iha loron 28 fulan marsu   no termina iha 26 fulan abril no prezidente repúblika extende estadu emerjénsia segunda faze iha loron 28 fulan abril tinan ne’e.avi


Banner

Foto

Notisia Ikus

Armanda Berta deklara kandidata-an ba PR, promete kumpre deit K-RDTL

January 21, 2022
Prezidente Partidu Kmanek Haburas Unidade Nasion...

Laiha konbustível ba kareta funeráriu, PN kritika MSSI halo servisu la hatene

January 21, 2022
Parlamentu Nasionál (PN), kestiona maka’as ka...

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker