Polísia Nasionál Timor-Leste (PNTL) munisípiu Díli detein ema na’in ualu, tanba deskonfia na’ok sasán elektrónika no sigaru iha área Comoro.
Ema na’in ualu ne’e dadauk ne’e iha sela detensaun hodi submete ba prosesu investigasaun.
“Tipu krime ita rejista hat, primeiru furtu, husi kazu ida ne’e iha autór balun mak ita identifika no halo ona prosesu investigasaun horseik ita hetan mandadu husi parte judisiáriu no ita implementa no agora dadauk na’in ualu iha sela detensaun hein ajenda no komunikasaun mai ita aprejenta ba iha Tribunál”, esplika Komandante PNTL munisípiu Díli Superintendente Xefe Armando Monteiro, ba jornalista sira Segunda (25/05/20) iha Kuartel PNTL Caicoli Díli.
Armando Monteiro, konsidera ema sira ne’e grupu oragnizadu.
Alende komunidade balun seidauk kumpri ba regras Estadu Emerjénsia, ne’ebé mak implementa iha segunda faze
Tuir Armando Monteiro esplika, iha implementasaun Estadu primeira faze no segunda faze la’0 ho diak, maske iha komunidade balun seidauk kumpri.
“Ita tenta esforsu nafatin konsensializa ou desimina ita nia regras ita nia Estadu emerjénsia ne’ebé ita nia governu hasai tiha ona barak mak kumpri halo tuir balun presiza tempu para ita senseviliza para sira implementa iha sira nia vida moris loron-loron. Ne’e koalia kona-bá vida moris loron-loron nian ita haree ba iha ita nia nasaun viziñu pandemia ne’e mosu mai la’os obrigatóriu Estadu, maibé komunidade mós tenki iha vontade no oinsá atu halo kontribuisaun atu bele hadok a’an husi moras ne’e afeta ba iha vida mundu tomak”,dehan Armando Monteiro.
Alende ne’e, Prezidente Repúblika Francisco Guterres Lú Olo, dekreta Estadu Emerjénsia primeira faze iha loron 28 fulan Marsu termina iha 26 fulan Abril, hafoin Prezidente Repúblika extende Estadu Emerjénsia segunda faze iha loron 28 fulan Abril tinan ne’e no remata iha loron 26 fulan maiu ne’e.
iha segunda ne’e liu husi reniaun Konsellu Ministru desidi hodi extende Estadu Emerjénsia ba faze dala tolu durante fulan Maio to’o fulan Juñu tinan ne’e.avi
