Polísia Sientífika Investigasaun Kriminal (PSIK), detein ema na’in tolu tanba deskonfia na’ok telemovel sidadaun ida nian iha Balide Díli, hamutuk hitu.
Telemovel ne’ebé mak suspeitu sira na’ok mak hanesan, Iped, Iphone ida, oppo A 9 ida, Oppo F 11, Samsung galaxy A lima Samsung s9, falta telemovel rua mak ema sosa lori tiha ba munisípiu, seidauk entrega ba PSIK.
Adjuntu Diretór PSIK Adino Cabral hateten ema na’in tolu ne’e, psik kaptura iha Caicoli segunda (10/05/20) mais ou menus tuku lima loro-kraik, oras Timor-Leste, maibé kapturasaun la’os flagrante delito. tanba kazu na’ok akontese iha loron 17 fulan abril tinan ne’e, maibé lejada mai hato’o keisa, iha PSIK no iha Segunda (11/05/20) fulan maiu ne’e, PSIK halo detensaun ba suspeitu na’in tolu, iha Caicoli, lori mai iha edifisiu PSIK hodi halo identifikasaun.
Suspeitu na’in tolu ne’e mak ho inisiál ab,abs,rk.
“Horseik ita halo detensaun ba ema na’in tolu, mas faze identifikasaun Polísial tuir ita nia kodigu prosesu penal, ita lori sira mai, inisia husi lejada mai iha PSIK nia fatin, hodi ajuda PCIC atu identifika sasán ne’ebé mak lakon, entaun PSIK ajuda konsege identifika utuliza meus elektronika, ita identifika paradeiru sasán sira ne’ebé mak lakon ou ema na’ok, husi ne’e mak ikus mai ita deskobre duni iha sasán sira ne’ebé mak ema na’ok no fa’an tutan ba ema seluk, ema sira mak sosa telemovel sira ne’e mós laiha koñesimentu, depois ita rona sira, sira iha vontade mai entrega telemovel sira mai iha Polísia katak, sasán sira ne’e na’ok nian, autór sira ne’e ita lori mai halo identifikasaun 12 oras de tempu, tanba situasaun ida ne’e la prense ba flagrante delitu, entaun ita halo identifikasaun ba sira, partisipa auto notisia ne’e ba Ministériu Públiku”,esplika Adjuntu Diretór Psik Adino Cabral, ba GMN Segunda (11/05/20), iha nia kna’ar fatin Caicoli Díli.
Alénde ne’e, tuir lejada, suspeitu na’in tolu deskonfia na’ok mós osan dolar 4000, maibé kazu ida foin mak informasaun, tanba kazu ne’e sei iha prosesu investigasaun hela.
“Konforme lejada aprezenta katak, iha osan ho montante sira foti, maibé orsida husi faze investigasaun mak bele deskobre, ha’u labele koalia pur detallu kona-bá osan ne’e”,dehan Adino Cabral.
Suspeitu a’in tolu ne’e, PSIK, liberta fila-fali, tanba halo de’it identifikasaun durante oras 12, maibé auto notisia, ba kazu ne’e PSIK, sei hatoo ba Ministériu Públiku.avi
