GMN TV Justica e Segurança Ema deskoñesidu hana sidadaun ida iha Kampung-Alor

Ema deskoñesidu hana sidadaun ida iha Kampung-Alor

0 views

Vítima  Evaristo da Silva idade haat nulu,  hetan hana husi ema deskoñesidu ho rama ambon, iha área Kampung-Alor.

Kazu tentativa omisíduu ne’e akontese Segunda (25/5/2020) kalan mais ou menus tuku hitu ho balun oras Timor-Leste, iha área Kampung-Alor, Postu administrativu Dom Aleixo munisípiu Díli.

Imelda Tilman  de Araújo, haktuir, kazu ne’e akontese hafoin,  vítima  Evaristo Tilman ba hadia  hela ahi iha ninia família ida nia uma, wainhira fila, derepenti ema ho rama ambon, ho motorizada ida laiha sapa matrikula hodi hana kedas nia katuas oan, rejulta kanek ihaparte   kanosan.

Hafoin akontese tiha kazu ne’e, família transporta kedas vítima ba  iha  Ospitál Nasionál  Guido Valadares, hodi hala’o operasaun ba iha rama ambon ne’ebé mak belit metin iha vítima nia isin lolon.

Vítima nia espoza Imelda Tilman lamenta ho aktu krime ne’ebé mak involve husi ema deskoñesidu hodi hana kanek nia nia kaben.

Tanba ne’e, nia husu ba Polísia atu  buka identifika suspeitu  hodi nune’e bele submete ba prosesu investigasaun.

“Nia  halai  husi estrada mai uma nia dehan ema hana ha’u, maibé  ha’u nontong hela  tv, depois ha’u hanoin karik dehan labarik sira mak hakilar halimar, depois nia   to’o iha uma nia branda oin hakilar ema hana, entaun ha’u hamrik hateke,   vítima nia oan mane na’in rua halai sai husi uma laran  ho matan ben hodi,depois  família viziñu mak ajuda  hela tula ha’u nia katuas oan ba iha ospitál”,esplika Imelda Tilman, ba  GMN  Tersa (26/05/20), iha nia nia rejidénsia Kampung-Alor

Alende ne’e, tuir monitoriozasaun  Fundasaun Mahein kazu tentativa sira  akontese la’os   deít iha  Díli maibé, kazu rama ambon, violensia domestika,  akontese mós  iha munisípiu sira seluk.

“Husu ba PNTL liu-liu servisu informasaun Polísia atu buka identifika fatin sira ne’ebé mak risku ba violénsia no asaltu. Portantu ikus-iku ne’e  ita haree violénsia entre grupu ne’e atu moris fila-fali, entaun iha oponiaun husi komunidade ita identifika katak,  iha  grupu sira ne’e ita deskonfia involve  hanesan grupu artemarsiáis, mas  ita la indetifika husi  grupu artemarsiáis ida  ne’ebé, entaun  ita iha lei 5/2017, armas brankas. Tanba ne’e ita tenki rigor implementa lei sira ne’e”, dehan João Almeida.

Relasiona ho kazu   rama ambon ne’e, GMN tenta halo konfirmasaun ho Komandante PNTL munisípiu Díli Superintendente Xefe Armando  Monteiro, iha Caicoli, maibé komandante ne’e la fó esplikasaun, tanba sei lansa hela servisu intelejen hodi buka tuir suspeitu ne’e, hafoin informa ba públiku.avi

 


Banner

Foto

Notisia Ikus

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker