Diretór Ezekutivu Fundasaun Mahein (FM) João Almeida, apresia servisu Polísia Nasionál Timor-Leste (PNTL) no FALINTIL Forsa Defeza Timor-Leste (F-FDTL), hodi implementa Estadu Emerjénsia (EE) Timor-Leste.
João Almeida esplika, durante implementasaun Estadu Emerjénsia fulan ida hodi mai to’o agora, forsa seguransa hala’o vizibilidade iha tritoriu Timor-laran tomak ho masimu hodi sosializa komunidade sira oinsá bele halo prevensaun ba virus Covid-19.
“Durante Estadu Emerjénsia tuir Fundasaun Mahein ninia haree forsa seguransa nia servisu efetivu duni iha tritoriu tomak. Maske fofoun iha protestu lamentasaun liga ho atuasaun membru Polísia ninian, liu-liu liga ba ezkusaun lei sira Estadu Emerjénsia ninian, mas em jerál Fundasaun Mahein apresia ho forsa seguransa nia servisu hodi asegura desizaun sira Estadu Emerjénsia ninian”,esplika Diretór Ezekutivu Fundasaun Mahein João Almeida, ba GMN Kuarta (06/05/20), iha Fomento Díli.
Alénde ne’e Prezidente Repúblika Francisco Guterres Lú Olo, dekreta Estadu Emerjénsia primeira faze iha loron 28 fulan marsu no termina iha 26 fulan abril no prezidente Repúblika extende Estadu Emerjénsia segunda faze iha loron 28 fulan abril tinan ne’e no remata iha loron 26 fulan Maiu ne’e.avi
