GMN TV Justica e Segurança FM husu PNTL reforsa seguransa iha fronteira

FM husu PNTL reforsa seguransa iha fronteira

0 views

Diretór Ezekutivu Fundasaun Mahein (FM), João Almeida, husu husu Komando Polísia Nasionál Timor-Leste (PNTL) atu reforsa seguransa iha fronteira, nune’e bele prevene COVID-19.

Tuir João Almeida  dadauk ne’e Timor-Leste la rejista  ona kazu posetivu COVID-19, maibé  nasaun   viziñu Indonézia, liu-liu propinsia Nusa Tengarah Timur (NTT) rejsta ona  kazu Posetivu COVID-19 no  hamate ona ema balun.  Tanba  João Almeida husu  governu presiza extende Estadu Emerjénsia atu nune’e bele kontrola fronteira terrestre, hanesan Mota –Ain, Oecussi no Mota Masin Suai no fronteira sira seluk tan hodi prevene ema tama ilegalmente lori vírus ne’e  mai  Timor.

 “Bele extende Estadu Emerjénsia, maibé tenki  reforsa kontrolu iha fronteira terrestre ninian, atu nune’e  labele iha ultrapasa ou hakat fronteira sira ilegal, tanba  ita haree ita nia nasaun viziñu númeru ne’e sae maka’as, iha mós mate  husi moras ida ne’e, iha nesesidade ou labele  tan extende Estadu Emerjénsia, maibé nafatin kontrolu  husi Unidade Patrullamentu Fronteira   ho apoiu FALINTI-Forsa Defeza Timor-Leste”, esplika Diretór Ezekutivu Fundasaun Mahein João Almeida, ba GMN Tersa (26/05/20), iha servisu fatin Fomento Díli.

João Almeida, husu governu atu proteje mós sidadaun Timor oan sira iha estranjeiru, liu-liu fó subsiidi ba estudante sira iha  Indonézia

 “Ita tenki haree ho didiak, tanba  ita nia sidadaun sira iha estranjeiru   Estadu tenki proteje, agora sira senti ameasadu Estadu tenki proteje. Ijemplu kazu COVID-19 akontese iha Wuhan,  ita evakua estudante  na’in 17 husi Wuhan ho apoiu  governu Nova-Zelandia ninian,entaun se ita taka fronteira  iha Estadu Emerjénsia, ha’u hanoin  ita mós presiza halo evakuasaun ba ita nia estudante sira iha Indonézia, tanba ne’e medida seluk mak apoiu subsidi ba  iha estudante sira, mas agora seidauk realize”,dehan João Almeida.

Alende ne’e,  iha Segunda (25/05/20) governu liu husi reniaun Konsellu Ministru, propoin atu extende tan Estadu Emerjénsia ba faze dala tolu ninian.avi

 


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker