GMN TV Justica e Segurança Lere: Polítika rai-laran hamosu konfuzaun

Lere: Polítika rai-laran hamosu konfuzaun

0 views

Xefe  Estadu Maior Jeneral Falintil Forsa Defeza Timor Leste, Lere Anan Timur, sente konfuzaun bo’ot tebes ho situasaun polítika rai-laran ne’ebé to’o oras ne’e seidauk iha solusaun.

“Situasaun polítika iha rai-laran ita haree hamosu konfuzaun bo’ot, agora atu ba ne’ebé ita la hatene”,dehan Xefe Estadu Maior Jeneral F-FDTL ba Jornalista sira Kuarta (13/05/2020), hafoin enkontru semanal ho Prezidente Repúblika, Francisco Guterres Lú Olo, iha Palásiu Prezidensial Nicolau Lobato, Bairo Píte, Díli.

Lere apela ba vereranu sira, rezisténsia nia ema tomak atu vijilansia, matan moos, tilun moos, tanba ema ne’ebé la gosta ne’e lagosta nafatin, hakarak sobu unidade ne’e,  dezde funu to’o agora ema seluk nia planu mak hakarak halo oinsa sobu, liu-liu lideransa sira.

“Impase polítiku ne’ebé agora la’o dadauk ne’e,  ba ha’u dehan katak,  presiza iha diálogu entre veteranu sira, liu-liu líder sira, ema polítika sira ne’ebé agora koalia, koalia, ibun boboot, koalia lei tun sa’e mos dala ruma la iha sentidu ba buat kiik hotu aplika. Uluk iha funu grupu ida sakrifika ninia aan atu ita-nia rai ne’e bele sai ukun aan, sobre por interere nasaun ba interese ema ida-idak ninian, ami sobre poem interese povu Timor nian, no sakrifika ami ida-idak ninia interese, ohin loron mos podia akontese hanesan ne’e”, hatutan Lere.

Nia fundamenta, “Partidu polítiku sira sobre poem sira-nia interese a’as liu fali interese nasaun nian, ohin loron la rona ema seluk nia naran, rona mak maun Xanana, Taur, no Lú Olo, sira ne’e se? Sira ne’e maun alin bele agora oportunista sira, ema sira ne’ebé uluk dehan katak Timor-oan, tanbasa mak hatama kanuru tohar. Sira nain tolu nia problema, ami mak tur hamutuk hodi rezolve, polítiku sira lalika koalia barak, lalika soran tun-soran sa’e, lalika lansa boatus dehan kilat barak iha Timor, kilat ilegal, ida ne’eba reuniaun iha ne’eba atu halo golpe, buat oi-oin. Hanoin katak  ema sira ne’e mos tenke kuidadu, tanba ita-nia nasaun ne’e, hanesan ita hatete baibain katak, ita harii ho raan no ruin, imi bele haree katak ha’u mesak hamriik deit iha ne’e koalia, barak mak iha ha’u-nia sorin, tanba ha’u husu veteranu sira atu koñese se mak amigu no inimigu, ha’u la fiar ami ne’ebé mai husi ai-laran fahe malu, no kontra malu ne’e ha’u la fiar, no ha’u fo konfiansa nafatin ba ha’u nia maun ne’ebé komanda luta to’o agora”,tenik Lere.Oly


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker