GMN TV Justica e Segurança MP husu TDD tetu desizaun ba ta’a membru PNTL

MP husu TDD tetu desizaun ba ta’a membru PNTL

0 views

Ministériu Públiku (MP), liu husi alegasaun finál husu Tribunal Distrital Díli (TDD) atu tetu di-di’ak ba prosesu kazu ta’a membru Polisia Nasional Timor-Leste (PNTL), iha Kulu-Hun, Díli, antes foti desizaun.

Razaun, tanba lezadu JM sira-nia deklarasaun la hanesan ho relatóriu médiku husi ospital.

Alegasaun ne’e, prokuradór titular husu tribunál atu tetu di-di’ak ba prosesu ida ne’e, bainhira atu foti desizaun ba kazu ida ne’e, tanba lezadu sira-nia deklarasaun iha perante julgamentu ne’e lezadu JM deklara, lezadu nia ulun kanek suku pontu hitu (7) ne’e, arguidu SPS mak ta’a, maibé relatóriu husi médiku katak, lezadu nia ulun hetan baku.

Entretantu parte defeza solisita ba tribunál atu absolve arguidu SPS husi krime ne’e, tanba  antes ne’e, deklarasaun lezadu ni’an ho relatóriu médiku ni’an diferente.

“Husu ba tribunál atu absolve arguidu husi krime ne’ebé MP imputa ba nia”, deklara Defeza.

Hafoin rona tiha husi parte rua, tribunál adia fali julgamentu ne’e ba loron seluk, hodi rona desizaun final.

Tuir akuzasaun husi MP ne’ebé aprezenta ba tribunál le sai katak, iha loron 16, fulan Fevereiru, tinan 2019, tuku 08:00 dader, iha Kulu-Hun, arguidu nia inan dasa hela foer iha uma oin, lezadu JS nu’udár membru polísia foin fila husi servisu fatin atu ba uma.

Maibé lezadu halai motor ho velosidade ne’ebé maka’as, entaun arguidu nia inan hasee lezadu, hodi sira na’in rua (2) diskute malu.

Tanba ne’e, arguidu la simu, foti katana duni tuir lezadu to’o iha uma laran atu ta’a, maibé la konsege arguidu ta’a fali lezadu JM nia ulun parte klaran no suku pontu hitu (7).

Konsekuénsia husi arguidu nia hahalok ne’e, halo lezadu hetan kanek iha parte ulun no suku 7.

MP akuza arguidu ba krime Ofensas Integridade Fízika Simples (OIFS) previstu iha artigu 145 no mós krime tentativa omisídiu ne’ebé previstu iha artigu 138, husi kódigu penal Timor-Leste.

Audiénsia julgamentu ne’e, prezide husi juíz koletivu, Ministériu Públiku (MP) reprezenta husi prokuradór, arguidu hetan asisténsia legál husi advogadu privadu. san


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker