GMN TV Justica e Segurança MP prontu elabora projetu lei sibernétiku

MP prontu elabora projetu lei sibernétiku

0 views

Prokuradór Jerál Repúblika (PJR), José da Costa Ximenes, hateten, autoridade kompetente iha Timor-Leste (TL) iha ona kondisaun hodi elabora lei krime sibernétiku, tanba sidadaun ne’ebé uza identidade falsa (ID) trata ema seluk iha Média Sosiál (MedSos) hanesan kontra ona sósiu kultura TL ni’an.

Tanba ne’e, nia parte husu ba sidadaun hotu labele uza liberdade espresaun atu estraga ema seluk nia dignidade no reputasaun iha MedSos.

“Ita tenke proteje ita-nia beins jurídiku ne’e, nia lei proteje ita-nia sidadaun sira, tenke refleta sósiu-kultural sosiedade ni’an ne’ebé que uluk ita-nia bei-ala sira respeita malu, ita tenke mantein no sasan sira ne’e halo ho forma organizadu, ida ne’e mak ita labele sita, nune’e, ha’u hanoin Governu ka Parlamentu Nasionál (PN) tenke haree ida ne’e. Ita labele utiliza demokrásia, liberdade espresaun para destroi ema seluk, ita boot sira imajina ema ida konstroi nia imajen, bom nome, reputasaun nia la konstroi iha loron ida de’it, ha’u informa ba Prezidente Repúblika (PR) katak MP prontu ajuda para halo projetu ida kona-bá cybercrime, ami prontu sé PN husu ajuda”, PJR ne’e relasiona ho autór identidade falsa ne’ebé dalabarak lansa informasaun falsa trata líder nasionál sira iha MedSos, hafoin hasoru relata servisu ba PR iha Palaçio Presidencial, Tersa (12-05-2020).

Husi sorin seluk, peskizadór Fundasaun Mahein (FM), Sancho Xavier, hateten, atu fasilita servisu autoridade investigasaun kriminál ni’an ho di’ak presiza lei sibernétiku, nune’e bele regula autór ne’ebé lansa hoax no trata ema seluk iha MedSos.

“Haree ba kontextu ne’ebé dau-daun ne’e iha presiza duni iha lei ruma ne’ebé bele fó kbi’it ba instituisaun sira atu bele hala’o ninia kna’ar liga ba asuntu sira ne’ebé iha, tanba ne’e, ha’u hanoin PN mós tenke iha hanoin ona oinsá atu bele tetu asuntu ne’e karik, bele lori ona ba diskusaun no mós Ministériu Justísa (MJ) mós tenke haree asuntu ida ne’e para oinsá bele iha baze legál ida ne’ebé bele fó kompeténsia ba instituisaun sira ka órgaun investigasaun kriminál sira para hala’o sira nia papél”, afirma peskizadór FM ne’e.

Antes ne’e, Polísia Sientífika Investigasaun Kriminál (PSIK) no Polísia Nasionál Servísu Investigasaun Kriminál (PNSIK) identifika ona autór balun ne’ebé lansa hoax iha MedSos no trata líder istóriku sira, inklui halo investigasaun ba kazu droga balun no kazu komplexu seluk tan. san


Banner

Foto

Notisia Ikus

Armanda Berta deklara kandidata-an ba PR, promete kumpre deit K-RDTL

January 21, 2022
Prezidente Partidu Kmanek Haburas Unidade Nasion...

Laiha konbustível ba kareta funeráriu, PN kritika MSSI halo servisu la hatene

January 21, 2022
Parlamentu Nasionál (PN), kestiona maka’as ka...

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker