GMN TV Justica e Segurança PNTL seidauk simu regras Estadu Emerjénsia segunda faze

PNTL seidauk simu regras Estadu Emerjénsia segunda faze

0 views

Polísia Nasionál Timor-Leste (PNTL) seidauk ezekuta Estadu Emerjénsia segunda faze, tanba seidauk simu regras  ruma atu aplika hodi  limita movimentu iha Timor-Leste.

Maske  Prezidente Repúblika Francisco Guterres Lú Olo  dekreta ona Estadu Emerjénsia  segunda faze ninian, maibé movimentu  komunidade sira  tantu   kareta no motorizada iha  kapital Díli la’o  hanesan loron  bain-bain, aktividade iha loja sira loke fila-fali, tanba PNTL seidauk halo intervensaun direta ba komunidade sira.

“Ami mós aprezenta kona-bá preparasaun  segunda  etapa  extensaun Estadu Emerjénsia  ne’e nian, preparasaun Polísia nian  oinsá ezekuta ka implementa  fila-fali regras  ne’ebé  sei mai katak,  ami sei hein karik regras ne’e iha mudansa ou mantein regras  ba iha 30 dias primeiru periodu,  ne’ebé PNTL hetan depois hetan simu ida  ne’e  mak  bele halo ida ne’e”,esplika Komandante Jerál PNTL Komisáriu Faustino da Costa, ba jornalista sira Kinta (30/04/20), hafoin enkontru semanal ho Prezidente Repúblika iha Palásiu Prezidensia Bairu-Pite Díli.

Komisáriu ne’e  hatutan, orientasaun  ba  Komandante  no unidade  no Komandante munisípiu sira, kontinua la’o hela.

“Iha fim de semana ita tenta reforsa  ita nia forsa Polísia sira liu ba entrada sira husi munisipál mai  Díli nian. Ne’ebé  ita boot sira lembra iha parte tasitolu, Tibar, Palásiu Nobre nomós iha Beducu, intensaun atu  halo antesipasaun diak liu tan, kuandu iha regras ezekusaun, tantu mós antesipa hodi asegura buat ne’ebé mak akontese iha ita nia rai-laran”,dehan Faustino da Costa.

Entretantu Estadu Emerjénsia primeira faze, Prezidente Repúblika dekreta iha loron  28 fulan Marsu no termina iha loron 26 fulan Abril tinan ne’e.

No Prezidente Repúblika extende Estadu Emerjénsia, segunda faze nian iha loron 28 fulan Abril tinan ne’e, hodi halo prevensaun  diak liu tan ba COVID-19.avi


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker