GMN TV Justica e Segurança Tiru joven ida iha Maubara, TDD aplika medida prizaun preventiva ba arguidu JAD

Tiru joven ida iha Maubara, TDD aplika medida prizaun preventiva ba arguidu JAD

0 views

Tribunál Distritál Díli (TDD), iha Domingu, loron 3, fulan ne’e, liu husi prosesu Primeiru Interogatóriu (PI) aplika medida koasaun prizaun preventiva ba arguidu ho inisiál JAD, nu’udár membru Unidade Batalhão Ordem Pública (BOP), Polísia Nasionál Timor-Leste (PNTL), tanba tiru joven ida (1) iha Maubara-Liquiça.

Advogadu Privadu (AP), Manuel Gonçalves, hateten, razaun tribunál aplika medida koasaun refere, tanba atu asegura prosesu investigasaun tuir mai.

“MP akuza arguidu ho krime omisídiu agravante previstu iha artigu 139 Kódigu Penál no artigu 24 tentativa nia punibilidade no nu’udár advogadu ba arguidu la aseita no sei rekore ba tribunál rekursu prazu 15 dias”, AP ne’e iha TDD, Mandarin-Díli.

Manuel afirma, nu’udár defeza la aseita ho desizaun tribunál, tanba arguidu la’ós ho intensaun atu tiru lezadu, maibé tanba auto-defeza ba ninia-an husi ema deskoñesidu ou grupu ida ne’ebé tenta aperta arguidu.

“Tanba momentu ne’e iha grupu balun mak asaltu arguidu iha parte Maubara ne’ebá, entaun momentu ne’ebá lezadu sira kaer nia faru gola aperta nia depois mak nia hasa’i pistola hodi tiru, mais la’ós tiru ba sira, maibé tiru ba parte tasi laran, maibé como rai-nakaras nia la hatene nia hala’i tiha, depois lezadu ne’e hakilar dehan ha’u mate ona, entaun nia trava kareta 10 metrus hanesan ne’e depois sira hala’i ba tabele iha kareta parte kraik ni’an no mosu intendimentu iha ne’ebá”, tenik defeza ne’e.

Tanba ne’e, parte defeza sei halo rekursu hodi rekore ba tribunál, ho prazu loron 15.

Ministériu Públiku (MP) akuza arguidu JDA ho krime tentativa omisídiu agravadu ne’ebé previstu iha artigu 139 no artigu 24 tentativa nia punibilidade iha Kódigu Penál Timor-Leste.

Kazu ne’e akontese iha munisípiu Liquiça, postu administrativu Maubara, suku Vaviquina, iha Kinta, loron 30, fulan Abril, tinan ne’e, mais ou menus tuku 06:00 ho balun lokraik.

Entretantu vítima Izac dos Santos da Silva, hetan tiru iha parte kabun no liman, dau-daun ne’e hala’o tratamentu iha Hospital Nacional Guido Valadares (HNGV).

Prosesu PI ne’e, prezide husi juíz singular, Ana paula de Jesus, MP reprezenta husi prokuradór, Jacinto Babo no Nelson Carvalho, arguidu hetan asisténsia legál husi advogadu privadu, Manuel Gonçalves. san

 


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker