Provedor ba Provedoria dos Direitos Humanus e Justisa (PDHJ), SIlveiro Pinto, informa, durante lori kargu nu’udar provedor, nia parte simu keixa husi publiku hamutuk 186.
SIlveiro hateten, husi númeru keixa ne'e maioria kazu violensia domestika nomos violensia boa governasaun.
"Iha ano fiscal 2017 nian ami simu keixa mai husi publiku ne'e iha 186. Keixa ne’ebé mak mai husi publiku no keixa sira ne'e mai husi teritoriu tomak maioria mai husi Dili, husi numeru ne'e 64 porsentu ne'e kazu violasaun direitus humanus, no 44 ne'e mak violasaun boa governasaun,"Provedor PPDHJ, SIlveiro Pinto, informa ba GMN hafoin aprezenta relatoriu anual ba Prezidente Parlamentu Nasional, Arão Noe Amaral, iha Parlamentu Nasional Kuarta (27/6/2018).
SIlveiro haktuir, objetivu husi aprezentasaun relatoriu anual ne'e nu’udar ezekusaun ordena ne’ebé nia parte ho nia adjuntu nain rua hala’o durante mandatu tinan haat bazeia ba artigu 46 ka kona ba estatutu PDHJ nian.
'Ohin (Horseik-red) ne'e ha’u ho ha’u-nia adjuntu nain rua mai aprezenta relatoriu ba iha Prezente Parlamentu Nasional, tanba ne'e parte ida husi provedor ezekuta tanba tuir artigu 46 estaturu provedoria nian hatete katak tinan-tina iha fulan Juilho provedor tenki aprezenta nia relatoriu, i relatoriu ne’ebé mak relata aktividade ne’ebé mak halo durante ano fiskal,"dehan nia.
Alende hato’o relatoriu, Provedor Silveiro mos sujere ba Prezidente Parlamentu Nasional, atu kria orariu ka haree tempu ruma nune'e Provedor ho nia ekipa bele ba hato’o relatoriu diretamente iha plenaria nune'e membru deputadu sira inklui publiku bele akompaña saida deit mak durante ne'e PDHJ hala’o.
"Ha’u sujere ba Prezidente PN atu haree mos tempu ruma atu provedor ho nia ekipa mos bele mai hato’o relatoriu ne'e iha plenaria tanba atu hakarak hatete deit fulan outubru hau ho ha’u-nia adjuntu nain rua sei remta ami-nia mandatu, ha’u sei remata hau nia mandatu hanesan provedor tanba hau kompleta ona tinan hat ne’ebé aumesmo tempu mos hanesan ultimu anu ba ha’u ne’ebé hau hakarak iha tinan ida ikus ne'e ha’u hakarak hato'o ha’u-nia relatoriu ne'e iha plenaria para publiku bele hatene,"Silveiro hateten.Ola
