GMN TV Justica e Segurança ESTUDANTE UNTL SAI ARGUIDU TANBA LA IHA KARTA KONDUSAUN

ESTUDANTE UNTL SAI ARGUIDU TANBA LA IHA KARTA KONDUSAUN

0 views

AJS hanesan estudante Universidade Timor Lorosa’e (UNTL) tenki sai arguidu hodi ba hatan iha Tribunal Distrital Dili (TDD), tanba lori kareta sein karta kondusaun.

Tuir akuzasaun husi Ministeriu Publiku ne’ebe tribunal le sai katak, iha loron 10 fulan Abril tinan 2017 tuku 13:00 meudia iha Sumaflo Mandarin, arguidu AJS ne’ebe lori motor ho marka Vixion ho nia numeru matricula 0110 TLS halai ho velosidade makas derepenti mai soke liu MS nia kareta ho numeru matrikula 03-898 G ne’ebe para hela iha area refere.

Arguidu la hare ho didiak kareta mak para ona iha oin, nia mai soke tan iha kareta nia kotuk no estraga tiha kareta nia body kotuk.

Depois soke tiha, liu loron nen, arguidu ba hadia tiha kareta refere iha ofisina ho folin dolar Amerikanu $ 120,00.

Arguidu la iha karta kondusaun, arguidu lori motor halai iha dalan publiku, sem karta kondusaun, arguidu lori motor halai iha cidade laran ho velocidade superior 45km/h.

Tanba ne’e arguidu hanesan autor material ba krime lori motor la ho karta kondusaun iha artigu 207 kodigu penal.

Hatan ba faktus ne’e, arguidu deklara katak, akuzasaun husi Ministeriu Publiku ne’e los hotu nia halai ho velosidade makas, tanba ansi atu ba tuir ezame iha UNTL, maibe nia la halao no iha responsabilidade hodi ba hadia kareta refere.

Arguidu haktuir tan, nia arepende ba nia hahalok ne’e, no iha future sei la lori tan motor se kuando seidauk iha karta kondusaun no agora dadaun nia tarata ona nia karta kondusaun.

Rona tiha deklarasaun husi arguidu,tribunal husu ba Ministeriu Publiku atu submete ba iha alegsaun.

Liu husi alegasaun Ministeriu Publiku husu ba tribunal atu aplika ba arguidu pena multa ne’ebe minimu, tanba arguidu rekunhese nia hahalok no nia mos trata ona nia karta kondusaun depois nia mos selu hadia tan kareta ne’ebe nia soke.

Enkuantu husi parte defeza nian, husu ba tribunal atu aplika pena ne’ebe adekuadu, tanba hare mos ba arguidu nia kondisaun hanesan estudante.

Audensia julgamentu nee, prezide husi juis singular Zulmira Auxiliadora Ministeriu Publiku reprezenta husi prokuradora Remizia de Fatima, arguidu hetan asistensia legal husi Defensro Publiku Jose da Silva. nia


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker