GMN TV Justica e Segurança Funsionariu MP la partisipa kampaña EA

Funsionariu MP la partisipa kampaña EA

0 views

Procurador Geral da República (PGR), José da Costa Ximenes, rejeita akuzasaun Provedoria dos Direitos Humanos e Justica (PDHJ), katak funsionariu Ministériu Públiku (MP) balun partisipa iha kampaña eleitoral Eleisaun Antesipada (EA) foin liu lalalis ne’e.

“Ha’u aproveita informa mós ba Prezidente Repúblika (PR), kona-bá ami halo tiha ona protestu formal ida ba PDHJ relativamente ho provedor PDHJ ninia deklarasaun ne’ebé halo iha dia 18 Abril, iha instalasaun PDHJ ne’ebé hateten katak iha funsionariu MP, MSS no MOPTK tuir kampaña polítika, ha’u lakoi koalia kona-bá MSS no MOPTK, mais laiha funsionariu ida no laloos katak funsionariu MP ninian partisipa iha kampaña eleitoral ne’ebé hala’o tiha ona,” PGR ba jornalista sira hafoin remata enkontru mensal ho PR, Francisco Guterres ‘Lú Olo’, iha Palasiu Prezidensial, Bairo Píte, Díli, Kuarta (06-06-2018), hodi informa atividade no preokupasaun PGR ninian ba PR.

Nia esplika, deklarasaun PDHJ ne’ebé halo iha loron 18 Abril, hodi akuza funsionariu MP balun partisipa iha kampaña eleitoral ne’e, laiha fundamentu, tanba akuzasaun ne’e dirizi ba funsionariu MP ninian, maibé seim koñesementu husi funsionariu no laiha prinsipiu kontraditoriu.

“Deklarasaun ne’ebé provedor halo ne’e laloos, segundu to’o ohin loron ami seidauk simu relatoriu ida katak iha funsionariu MP no funsionariu seluk partisipa iha kampaña EA. La rona ema parte MP ninian, depois fó deklarasaun dehan ema ida ne’e funsionariu sé loos, halo iha sá loron, halo iha sá data, ne’e laiha. Ita nia problema maka ne’e fó uluk deklarasaun no relatoriu to’o ohin loron ami la simu,” haktuir PGR ne’e.

Tuir José Ximenes hateten, loloos ne’e PDHJ fó uluk koñesimentu ba MP no ninia funsionariu hodi responde, maibé públika uluk ba média no jornal sira, maibé laiha provas ida hasoru funsionariu públiku.

“Porque iha MP funsionariu públiku iha rezimi rua, funsionariu públiku ami bolu servisu apoiu tékniku administrativu no depois iha ofisial justisa no mós iha majestradu sira, nune’e sé loos maka tuir kampaña ne’e,” relata PGR José Ximenes.

Tuir dadus durante periódu kampaña eleitoral to’o realiza EA iha loron 12 Maiu, MP rezista kazu krimi eleitoral sanulu resin haat (14), ne’ebé akontese iha 12 munisípiu, inklui RAEOA-OeCusse no dau-daun ne’e iha ona prosesu investigasaun nia laran. Ves


Banner

Foto

Notisia Ikus

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker