GMN TV Justica e Segurança Hafoin formasaun Governu, Komando retira Polísia husi munisípiu

Hafoin formasaun Governu, Komando retira Polísia husi munisípiu

0 views

Komando Polísia Nasional Timor-Leste (PNTL), seidauk retira membru Polísia sira husi Munisípiu 12 inklui Rejiaun Administrativa Espesial Oecussi-Ambeno, hodi hein to´o formasaun oitavu Governu remata mak bele dada fila.

``Informa ba Prezidente Repúblika Francisco Guterres ‘Lú Olo’, kona-ba forsa seguransa liu-liu Polísia Nasional Timor-Leste, balun ita sei mantein to´o formasaun Governu remata  tiha mak ita sei dada fila fali mai Komando,``esplika Komandante Jeral PNTL Komisariu Júlio Hornay,  ba jornalista sira Kinta (07/06/18),  hafoin enkontru semanal ho Prezidente Repúblika iha Palasiu Prezidensial, Bairo-Pite-Díli.

Alende ne´e, Júlio Hornay, hateten, situasaun jeral iha Postu Administrativu Uatulari, Munisípiu Viqueque, oras  ne´e la´o kontroladu.

``Iha semana kotuk mak akontese ameasa malu oituan, maibe ita reforsa tan Unidade Espesial Polísia ba, ne’e la´os tanba  sira halo problema mak ita haruka ba lae, hanesan atu halo prevensaun de´it. Maibe Viqueque oan sira mós matenek prosesu  eleisaun antesipada remata ona nai ulun sira mak sei tuur iha Parlamentu Nasional, balun iha Governu, ita hanesan povu bain-bain ita ba halo ita-nia natar hodi  haree manu-lin labele han haree,``dehan Júlio Hornay.

Alende  ne´e, Komandante Jeral PNTL, Júlio Hornay  informa  ba PR Lú Olo, kona-ba  kazu Timor oan  ne´ebé mak ho inisial AX halai ba Nusa Tenggara Timur (NTT) Kupang-Indonesia, ne´ebé mak iha semana kotuk kaptura hikas husi ekipa PNTL no Polisi Republik Indonesia (POLRI)  iha Hotel Javanes  ne´ebé mak lokaliza iha  Oesapa, sidade Kupang.

Entretantu PNTL kaptura suspeitu, tanba ezekuta mandadu husi Tribunal  no halo kooperasaun ho POLRI, NTT, Kupang-Indonesia  kaptura suspeitu AX.

Suspeitu AX nu’udar Timor-oan ne´ebé mak PNTL ho POLRI Kupang, kaptura iha fatin lokalizasaun Hotel  Javanes  Oesapa Kupang,  iha loron 30 fulan Maiu, tanba involve iha kazu burla agravada, ne´ebé mak deskonfia lori ema nia osan atu halo kreditu motorizadas  halai sai husi teritoriu Timor-Leste.

Wainhira autoridade seguransa sira kaptura  suspeitu nia liman rua tau aljema (borgol) metin  hodi lori husi  Kupang mai Díli Timor-Leste, depois  aprezenta iha Komandante Jeral PNTL Komsiariu Júlio Hornay, hodi realiza konferensia imprensa ba jornalista sira  iha  Kuartel Jeral PNTL Díli, remata tiha  lori ba detein iha sela detensaun Polísia Caicoli.avi


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker