GMN TV Justica e Segurança HAK-AJAR SUJERE, EMA KAZU IHA TRIBUNAL LALIKA SAI MEMBRU GOVERNU

HAK-AJAR SUJERE, EMA KAZU IHA TRIBUNAL LALIKA SAI MEMBRU GOVERNU

1 views

Diretor Asosiasaun HAK, Manuel Monteiro ho Diretor Ezekutivu Asia Justice and Rights (AJAR), José Luis Oliveira, husu ba lider máximu Aliansa Mudansa ba Progresu (AMP), atu labele hatama ema ne’ebé kazu iha ona Tribunal hodi sai membru VIII Governu, tamba sei hafoer no hamonu imajen Governu iha públiku.

“Lista ne’ebé hatama ba partidu koligasaun iha indikasaun ne’ebé mak komete krimi, ho haraik a’an ami  husu ba lider nain 3 (Xanana, Taur no Naimori) atu bele hasai ema ne’ebé hetan kazu korupsaun husi lista VIII Governu Konstitusional, hodi nia bele submete ba prosesu Tribunal ne’ebé mak iha ona, nune’e la bele hafoer no la halakon konfiansa  povu ninian, ne’ebé lori ona koligasaun partidaria ne’ebé hetan konfiansa hodi kaer Governu,”hatete Diretor Asosiasaun HAK Manuel Monteiro ba Jornalista sira iha nia knaar fatin Farol, Dili, Kuarta (20/06/2018).

Nia afrirma, ema ne’ebé iha ona indikasaun  komete krimi bo’ot ruma no krimi grave ruma, mak diak liu tenki prosesa tuir lei ne’ebé mak iha.

“Tamba ne’e wainhira simu Primeiru Ministru indijitadu, depois iha lista ne’ebé mak fo sai iha partidu sira ne’ebé mak iha koligasaun, iha indikasaun balun komete krimi, diak liu seidauk simu tomada de pose ami haraik a’an husu ba lider nain tolu iha AMP ne’e, atu bele hasai ema ne’e husi lista,”realsa Manuel Monteiro, maibe la sita naran ne’ebé komete krime.

Iha sorin seluk, Diretor Ezekutivu Asia Justice and Rights (AJAR), José Luis Oliveira, akresenta, fator ne’ebé importante mak oinsa Governante sira tenki mos, labele komete kazu ruma no ba hataan ona iha Tribunal.

“Se bainhira Governante ida mak komete  ka iha indisius prosesu ruma ba kazu korupasaun ruma, mak ida ne’e sei afeta tebes ba Governasaun, nia sei la ukun ho diak, la iha konfiansa ba a’an, no sei la iha ideia klaru  atu lori nasaun ne’e ba ne’ebé? se nia rasik la’o sala ona sa tan  nia atu lori nasaun ne’e atu ba ne’ebé? Ha’u konsidera lista ne’e seidauk klaru, maibe buat ida ne’e tuir lolos ita hotu hein dezeza mak servisu ne’ebé diak husi orgaun judisiáriu inklui  Komisaun Anti Korupasaun, atu hala’o prosesu korupasaun ne’e halo didiak, la’e sei afeta ba formasaun Governu ne’ebé la diak,” dehan José Luis Oliveira.Oly


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker