GMN TV Justica e Segurança Júlio Hornai: Lalika preokupa ho seguransa

Júlio Hornai: Lalika preokupa ho seguransa

0 views

Komandante Jeral PNTL, Komisáriu Júlio Hornai apela ba povu Timor Leste (TL) tomak, atu labele preokupa ho seguransa iha rai laran, tanba PNTL prontu asegura nafatin seguransa ba ema hotu, hodi bele hala’o atividade moris lor-loron nian ho di’ak.

“Konaba seguransa lalika preokupa, tomada de pose, atividade komunidade, estadu no governu lalika preokupa, ami prontu para asegura ida ne’e. No ne’e misaun ami nian,”hateten Komandante Jeral PNTL, Komisáriu Júlio Hornai ba jornalista sira hafoin termina enkontru semanál ho Prezidenti Repúblika (PR), Francisco Guterres Lú Olo iha Palácio Prezidensial bairru Pite Díli, Kinta (7/6).

Maski nune’e Komisáriu Júlio Hornai mós hateten, seguransa iha rai laran atu bele kontinua la’o iha ambiente dame no paz presiza ema hotu nia apoia.

“Labele entrega de’it ba PNTL no F-FDTL, nu’udar timoroan ita hotu iha dever másimu atu hadomi ita nia rai doben Timor Leste ida ne’e ho paz no dame. Povu Timor hakarak moris di’ak, hakarak haree nia nasaun ne’e hanesan nasaun dezenvolvidu Singapura ne’ebá,”Júlio Hornai hatutan.

Júlio Hornai mós argumenta, Singapura agora bele sai nasaun dezenvolvidu tanba iha paz no estabilidade.

“Singapura bele halo ida ne’e tanba sira nia paz ne’e iha, tanba ne’e mak presiza povu tomak nia kontribuisaun,”Júlio fó hanoin.

Tanba ne’e Júlio Hornai nafatin husu ba Timoroan hotu, liu-liu joven sira atu nafatin kria paz no estabilidade iha rai laran atu nune’e dezenvolvimentu bele la’o ba oin.

“Mai ita hamutuk nu’udar Timoroan fó liman ba malu, kampaña liu ona. Agora ita moris fali ba moris normal. Ne’ebé mai ita hamutuk kria estabilidade no paz. Mai ita nafatin hatudu ba mundu katak Timor mós bele. Liu-liu joven sira katak ami mós matenek no hakarak banati tuir ami nia maun sira, rai liberta tiha ona agora ami hakarak dezenvolve rai ida ne’e ba oin,”Júlio hateten.ías


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker