GMN TV Justica e Segurança KAZU BOBY SAI SASUKAT BA INJUSTISA IHA TL

KAZU BOBY SAI SASUKAT BA INJUSTISA IHA TL

0 views

Kazu Boby ne’ebe kondus kareta ho marka Ranger metan ho xapa matrikula  29-121 TL kontra regras transitu husi diresaun eskola Paulus mai Audian soke direta bus Vitoria, hodi rezulta vitima Brigidia Moreira mate iha fatin no nain haat seluk kanek todan, to’o oras ne’e sei lao livre hela iha liur hodi halao nia aktividade.

Hare ba prosesu justisa ba kazu ida ne’e lao paradu maka organizasaun naun governamentais, Fundasaun Hamein konsidera kazu Boby nian sai sasukat ba injustisa iha Timor-Leste, liu-liu ba implementasaun lei, basá komesa mosu komparasaun iha sosiedade nia leet ba povu babain ho lider sira nia oan.

Tanba ne’e diretor ezekutivu Fundasaun Mahein, Nelson Belo husu ba Ministeriu Públiku atu halo esplikasaun ba publiku tanba sa mak prosesu ne’e lao kleur, nune’e labele fo konfuzaun ba públiku, tanba dadaun ne’e liga ba kazu Boby mosu opiniaun iha públiku katak, lei ne’e vale ba ema hotu ka lae.

 “Husi Boby nian ne’e hatudu ezersisiu ba implementasaun lei ne’e fraku aplika ba ema kik lalais liu ba ema boot ka familia ema boot sempre lao neneik, tanba ne’e autor justisa sira tenki brani hodi hatudu justisa ba ema hotu la hare ba ras, kor estutu sosial ka ekonomia,’’ dehan Nelson ba JNDiario iha Fomento, Segunda (25/06).

Iha fatin seluk Diretor HAK Manuel Monteiro hatete, artigu 16 Konstituisaun RDTL kona ba universalidade no igualdade hatete ema hotu iha lei nia oin hanesan labele diskrimina tanba hare ba nia kulit, ras, estadu sivil, pozisaun sosial no ekonomia no seluk tan.

“Agora liga ba Boby nian ne’ebe to’o agora nonok hela deit ne’e, tanba Ministeriu Públiku mak la iha vontade atu halo investigasaun ou iha intervensaun politika no esepsaun seluk ruma, sae tan iha kazu ne’e hamate ema, ita labele liga fali ba estatu sosial,  ita tenki hare ba hahalok ema ne’ebe krime,’’koalia Manuel.

Sosiadade sivil sira ejije ba instituisaun kompotensia atu prosesa lalais Boby tuir dalan legal, tanba justisa tenki vale ba ema hotu.

Foin lalais iha semana kotuk ne’e, Segundu Komandante  PNTL Muníspiu Díli Superintendente Asistente, Euclides Belo afirma prosesu sira ne’e parte PNTL intrega hotu ona ba Ministeriu Públiku no hein deit bolu Boby hodi submete ba prosesu interogatoriu.

Boby diskunfia iha loron 5 fulan Maiu ne’e, kondus kareta ho marka Ranger metan ho xapa matrikula  29-121 TL kontra regras transzitu husi diresaun eskola Paulus mai Audian hodi soke direta bus Vitoria tula pasajeirus atu ba Baucau ne’ebe husi diresaun Audian ba Kuluhun, iha asidente trafiku ne’e rezulta inan feton Brigidia Moreira mate no nain haat seluk kanek todan.

Hafoin nutisia ne’e hatun, jornalista JNDiario seidauk konfirma ho parte Ministeriu Públiku, tanba segredu justisa.nia


Banner

Foto

Notisia Ikus

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...

Xanana hasoru malu ho SekJer ONU no PM Portugal iha Lisboa

June 29, 2022
Reprezetante Espesial Prezidente Repúblika Ti...

AJAR: Polítiku sira halo lei benefisia liu ba an rasik, doque povu kiik

June 29, 2022
Diretór ezekutivu Asia Justice And Right (AJAR)...
1 2 3 741

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker