GMN TV Justica e Segurança LERE APREZENTA KARTA REZIGNASAUN BRIGJEN PAIXÃO BA PR

LERE APREZENTA KARTA REZIGNASAUN BRIGJEN PAIXÃO BA PR

0 views

Xefi Estadu Maior FALINTIL-Forsa Defeza Timor-Leste (F-FDTL), Major Jeneral Lere Anan Timur aprezenta ona karta rezignasaun Vise Xefi Estadu Maior F-FDTL Brigadeiru Jeneral (BrigJen) Filomeno Paixão ba Ministru Defeza no Seguransa (MDS).

“Horiseik (horibaintolu-red) kedas BrigJen Filomeno Paixão hato’o ona ninia karta rezignasaun ba ha’u, ha’u refere tiha ona no ohin ha’u lori ninia dokumentus rekoñesementu ba Prezidente Repúblika (PR), Francisco Guterres ‘Lú Olo’, tanba PR nuudar Komandante supremu das Forsas Armadas, no ha’u mós simu PM Taur Matan Ruak ninia surat kona-bá ami nia despozisaun ne’ebé que ha’u aseita BrigJen Filomeno Paixão ba Ministru Defeza, deferidu ona, ne’ebé ha’u hanoin katak só hein de’it toma de pose,” Xefi Estadu Maior F-FDTL ba jornalista sira hafoin remata enkontru semanal ho PR Lú Olo, iha Palasiu Prezidensial, Bairo Píte, Díli, Kuarta (20-06-2018).

Nia esplika, Koronel nain 4 ne’ebé PR Lú Olo horibainhira promove ba BrigJen ne’e maka sei troka pozisaun Vise Xefi Estadu Maior F-FDTL Brigadeiru Jeneral (BrigJen) Filomeno Paixão, ida husi sira nain 4 sei troka, maibé seidauk bele fó sai sé maka sei troka, tanba seidauk halo proposta ba PR atu nomeia.

“Falur Rate La’ek, Mau-Nana, Sabika no Aluk, husi sira nain 4 ne’e maka sei troka BrigJen Filomeno Paixão, tuir ita nia haree Falur Rate La’ek mós bele, maibé depende ba proposta ne’ebé sei haruka ba, porque sira nain 4 ne’e ita la duvida,” haktuir Lere Anan Timur.

Nia relata, sira nain 4 ne’e hotu-hotu ema terus nain, nune’e lalika duvida sira, sira nain 4 ne’e a não ser matenek maka la to’o, maibé hanoin atu servi ba sira nia interese ne’e laiha.

“BrigJen Filomeno Paixão iha Ministériu Defeza, ne’ebé ami besik malu liu, ita dehan katak ida ba halo to’os, ida hela iha uma para prepara hahaan, entaun ami forsa ba halo to’os maka hasoru hahaan laiha, bee laiha, katana laiha no kareta laiha, entaun buat sira hanesan ne’e atu kompleta malu, ne’ebé ha’u hanoin katak la faz falta ba instituisaun F-FDTL no MD, porque ami kompleta malu, ate diak liu tan abanbainrua ami servisu hamutuk, tanba proposta sira ne’ebé Governu hirak ne’ebé lu ba pendente hela ne’e,” hateten Xefi Estadu Maior F-FDTL ne’e.

Entretantu antes ne’e mós PR Lú Olo promove ona BrigJen nain 4, hanesan Falur Rate La’ek, Mau-Nana, Sabika no Aluk. ves


Banner

Foto

Notisia Ikus

Arsénio Bano agradese ba PM

August 3, 2021
Hafoin kompleta mandatu tinan ida, Prezidente Au...

TNI tiru kanek Timor-oan ida, PN husu TL rezolve ho RI

August 3, 2021
Parlamentu Nasionál liuhosi komisaun A, ne’eb...

Governu tenke investiga, implementasaun subsídiu ba universidade

August 3, 2021
Parlamentu Nasionál (PN), liuhosi komisaun G ne...

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...
1 2 3 624

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker